Yaasawey 5:22 - Songhai de Gao Bible

²² Boro laala, nga laybey no mʼa dii, nga zunubey karfey gʼa haw.

Yaasawey 5:22 ပူးပေါင်းရင်းမြစ်များ

Kokoyey 1na 18:18

Ilyasu nee: «Manʼti agay no ma kate Izirayel ga bone. Ni nda ni baabaa hugoo no ma kate Izirayel ga bone, zama war na Abadantaa yaamarey naŋ ka koy Balyaŋ gana.

Ester 9:25

Amma waatoo kaŋ šennoo too kokoyoo do, a hantum ka nee kaŋ hawandifutaa kaŋ a nʼa kayandi Alyahuudey se ma zunbu a boŋ! I nʼa deeji bundu kukoo ga, nga nda nga izʼarey.

Ayuba 18:8

Zama cewey gʼa cahãndi ka huru sankay ra, kumsaa moɲey ra a ga dira,

Zaburey 40:12

Ni, Abadantaa, nʼsi ni hinnaroo wanji ya ne, ni borohennataraa nda ni laadirtaraa gʼay hawgay waati kul.

Zaburey 9:15

hala ya ni beeraa kul har. Woy-izoo kaŋ ti Siyoŋ koyraa miɲey ga, ya duu hallasiroo ɲaaloo kaŋ ga hun ni do.

Zaburey 9:17

Abadantaa na nga boŋ cebe, a na ciiti dunbu. Boro laaley ga kaŋ kumsaa ra kaŋ kabey nʼa tee. Hooray jinawey hinne no ma hẽe. Kay-kayna

Yaasawey 1:18

Borey wey, ngi boŋ hunday se i ga kumsay daŋ, i mma gum ka ngi hunaroo halaci.

Yaasawey 11:3

Boro šerrantey laadirtaraa no mʼi gongu, zanbantey šenni bereyanoo gʼi halaci.

Yaasawey 11:5

Boro laadirantaa šerretaraa ga nga fondaa hanse, boro futu goy futaa gʼa kaŋandi.

Yaasawey 11:6

Boro šerrantey laadirtaraa no mʼi hallasi, zanbantey ibaayi futawey no mʼi kaŋandi kumsaa ra.

Yaasawey 12:14

Haya hennaa kaŋ ga hun mee ra no ma boro kungandi nda haya henna. Boro ga duu ni teegoyey banaa.

Yaasawey 14:32

Boro laala, goy futaa no mʼa kaŋandi, boro šerrante ga duu nongu kaŋ ra a ga nga boŋ tugu ba nga buuyanoo ra.

Yaasawey 18:7

Lakkal jaŋante miɲoo no ma kate nga halaciroo, miɲoo manʼti kala kumsay a se.

Yaasawey 24:12

Nda ni nee: «Ir si bay.» Boraa kaŋ ga bine fesufesu nka si bay wala? Boraa kaŋ ga hundi hawgay nka si bay wala? A ga boro bana ka sawa nda nga teegoyoo.

Yaasawey 26:27

Boro kaŋ na guusu fanši ga kaŋ a ra, tondoo ga yee boraa ga kaŋ gʼa gunguray.

Waazukaa 7:26

Ay dii haya kaŋ ga hottu nda buuyan: woy kaŋ manʼti kala kumsay, binoo manʼti kala sankay, kabey ti karfu. Boro kaŋ ga kan Irkoy se ga hun a ra, amma zunubantey ga kaŋ kaboo ra.

Kabuyaney 32:23

Amma nda war mana woo tee, nga ne, war na zunubu tee Abadantaa ga, de war ma bay kaŋ war ga duu war zunuboo alhakoo.

Eberewey batagaa 13:4

Borey kul ma hiijay beerandi, kurɲe nda wande ma laadir, zama woy nda aru izefututaray teekey nda zinateerey, Irkoy gʼi ciiti.

Alkaaley 20:41

Waatoo kaŋ Izirayel borey bere i ga, Benžameŋ borey zalba, zama i dii kaŋ bone na ngi kar.

Alkaaley 9:57

Teegoy futaa kul kaŋ Šekem borey nʼa tee, Irkoy nʼa kaŋandi i boŋ. Dangaa kaŋ Yotam, Yerub-Bal izʼaroo nʼa har i ga duu ey.