Yaasawey 4:4 - Songhai de Gao Bible

⁴ Ay baabaa gʼay cawandi, a nee ya ne: «Ni binoo ma gaabu ay šenney ga. Ay yaamarey dii, ma huna.

Yaasawey 4:4 ပူးပေါင်းရင်းမြစ်များ

Šintinoo 18:19

Ya nkʼa suuba hala a ma nga izey nda nga hugoo borey kaŋ goo dumaa ga yaamar i ma Abadantaa fondaa gana ka goy nda šerretaray nda cimi. Woo ra Abadantaa ga Ibirahima noo hayaa kaŋ a bay kʼa har a se.»

Taarikey 1na 28:9

Haya kaŋ ti ni, ay izʼaroo Sulaymaana, nʼga hima ka ni baabaa Koyoo bay ka boori, mʼa gana nda ni binoo kul nda anniya henna, zama Abadantaa ga borey kul biney neeši, haya kul kaŋ goo boro lakkaloo ra, a gʼa bay. Nda nʼnʼa ceeci, a ga naŋ ma duu nga, amma nda nʼnʼa naŋ, nga mo ga wanji ni ga hala abada.

Zaburey 119:11

Ay ga ni meešennoo jisi ay binoo ra hala ya si duu ka zunubu tee ni ga.

Zaburey 119:144

Hala abada ni seedetarawey ga šerre, ay noo lakkal hala ya duu ka huna.

Zaburey 119:168

Ay ga hayey kaŋ nʼnʼi har nda ni seedetarawey dii, zama ay dira takaa kul goo ni jine.

Yaasawey 22:6

Fondaa kaŋ soogaa ga hima kʼa gana cawandi a se, ba nga žeenay ga, a sʼa naŋ.

Yaasawey 23:26

Ay izʼaroo, ay noo ni binoo, yala ni moɲey ma ɲaali ay fondawey ra.

Yaasawey 3:1

Ay izʼaroo, masi dirɲa cawandoo kaŋ ni duu a ay ga, ni binoo mʼay yaamarey dii,

Yaasawey 3:2

zama i ga tonton ni zaarey hinnaa ga, nda ni aloomuroo ga, nda ni alaafiyaa ga.

Yaasawey 7:2

Gaabu ay yaamarey ga hala ma duu ka huna, gaabu ay cawandoo ga sanda ni mootondoo.

Yehiya 12:50

Ay ga bay mo kaŋ nga yaamaroo ti hunayan abadantaa. Woo se hayey kaŋ ay gʼi har, ay gʼi har sanda takaa kaŋ nda Baabaa Irkoy nʼi har ya ne.»

Efez borey batagaa 6:4

War mo baabey, war masi war izey biney hasara, wʼi biiri aladabu henna ra ka sawa nda ir Koyoo hoyrawey.

Alhukumoo 4:9

«Amma ni boŋ hawgay, ma ni boŋ lakkal ni hunaroo kul ra, masi koy dirɲa hayey kaŋ ni moɲey dii ey i ma hun ni binoo ra. Mʼi bayrandi ni izey se nda ni izey izey se.

Alhukumoo 6:6

Šenney wey kaŋ ay gʼi har ma ne hõ ma cindi ni binoo ra.

Timote bataga 2to 1:5

Ay ga honga naanaa kaŋ ra almunafikitaray sii kaŋ goo ni ra, kaŋ jin ka bara ni kaaga woyoo Lowis nda ni ɲaa Enis ra. Ay ga naanay ka bay kaŋ a goo ni mo ra.

Timote bataga 2to 3:15

Za zankataray, nʼga Citaabu henanantey bay kaŋ ga hin ka ni noo lakkal hala naanaa kaŋ nʼna daŋ Almasihu Isa ra ma ni hallasi.

Eberewey batagaa 5:9

Waatoo kaŋ a tee timmante, borey kul kaŋ ga haŋajer a se, a tee i se hallasiyan abadante nookaw.

Alkaaley 13:12

Manowa nee: «Nda šennoo kaŋ nʼnʼa har tee cimi, macin ti zankaaroo dira takaa hantumoo kaŋ kayandi, macin ti hayaa kaŋ a ga hima kʼa tee?»