Yaasawey 4:23 - Songhai de Gao Bible

²³ Ma ni binoo hawgay ka bisa haya kul, zama ni hunaroo hayey kul si hun kala nga ra.

Yaasawey 4:23 ပူးပေါင်းရင်းမြစ်များ

Kokoyey 2to 10:31

Amma woo kul, Žehu mana Abadantaa, Izirayel Koyoo ašariyaa dii nda nga binoo kul. A mana fay nda zunubey kaŋ ra Žeroboham na Izirayel borey kaŋandi.

Yaasawey 11:16

Woy bine boryo ga duu beeray, boro laaley ga alman ceeci nda gaabi.

Yaasawey 13:3

Boro kaŋ ga hin nga miɲoo ga hin nga boŋ, boro kaŋ ga hanse ka nga miɲoo feeri ga nga boŋ halaci.

Yaasawey 16:17

Boro šerrantey fondaa ti ka hibi ifutu ga, boro kaŋ ga lakkal daŋ nga fondaa se ga nga hundoo hawgay.

Yaasawey 22:5

Karjiyaŋ nda kumsayyaŋ bara boro šiira fondaa ga, boro kaŋ ga hin nga boŋ ga moorʼey.

Yaasawey 23:19

Ni, ay izʼaroo, haŋajer ma duu lakkal, ni binoo hangandi fondaa.

Yaasawey 28:26

Boro kaŋ na nga naanaa daŋ nga boŋ ra manʼti kala lakkal jaŋante, amma boro kaŋ ga dira nda lakkal ga hallasi.

Yaasawey 3:21

Ay izʼaroo, lakkal nda miile henna dii, i masi mooru ni moɲey cire.

Yaasawey 4:7

Lakkal duuyan šintinoo ti: ma gaabandi ka lakkal ceeci, haya kul kaŋ goo ni kone mʼa ka fahamay ceeci.

Waazukaa 5:13

Goy yaamu no kaŋ ga almanoo din derandi. Haya kul si cindi izʼaroo kaŋ a nʼa daŋ aduɲɲa ra kaboo ra.

Matiyu 15:18

Amma hayey kaŋ ga fatta mee ra si hun kala bine ra, wey ti hayey kaŋ ga boro žiibandi.

Matiyu 15:19

Zama bine ra hongu futawey, nda borowiiyaney, nda zinayaney, nda woy nda aru izefututarawey, nda zaytarawey, nda taari seedetarawey, nda wowyaney ga hun.

Marku 14:38

Wa hanna, war ma Irkoy ŋaaray hala war masi koy siyandi ka kaŋ zunubu ra. Anniya henna goo, amma gaaham sii nda gaabi.»

Luka 6:45

Boro boryoo, nga bine boryaa ra a ga haya henna kaa. Boro futu, nga bine futaa ra a ga haya futu kaa. Haya kaŋ na bine too, nga no mee gʼa filla.»

Alhukumoo 4:9

«Amma ni boŋ hawgay, ma ni boŋ lakkal ni hunaroo kul ra, masi koy dirɲa hayey kaŋ ni moɲey dii ey i ma hun ni binoo ra. Mʼi bayrandi ni izey se nda ni izey izey se.

Eberewey batagaa 12:15

Wa hawgay boro kul masi Irkoy anneemaa yala. Boro kul masi naŋ dooray ma zay nga binoo ra ka boro boobo žiibandi.