Yaasawey 4:10 - Songhai de Gao Bible

¹⁰ Haŋajer, ay izʼaroo, gaabu ay šenney ga, nʼga duu aloomur kuku.

Yaasawey 4:10 ပူးပေါင်းရင်းမြစ်များ

Ayuba 22:22

Ay gʼa wiri ni ga, ma haŋajer nga cawandoo se, de ma nga šenney daŋ ni binoo ra.

Yaasawey 19:20

Haŋajer hoyrawey se, gaabu cawyanoo ga, hala ma duu ka duu lakkal waatey kaŋ ga kaa ra.

Yaasawey 2:1

Ay izʼaroo, nda nʼnʼay šenney dii, nda nʼnʼay yaamarey dii,

Yaasawey 3:16

Aloomur goo nga kabe gumaa ra, alman nda beeray goo nga kabe waawaa ra.

Yaasawey 3:2

zama i ga tonton ni zaarey hinnaa ga, nda ni aloomuroo ga, nda ni alaafiyaa ga.

Yaasawey 8:10

Wʼay hoyrawey dii ka bisa nzorfu kaaray, war ma bayray dii ka bisa wura suubante.

Alhukumoo 11:21

Woo ra kullihinne beenaa goo laboo se beene, war zaarey nda war izey zaarey ga gay gandaa ra kaŋ Abadantaa žee war baabey se kaŋ nga gʼa noo i se.

Alhukumoo 5:16

Ma ni baabaa nda ni ɲaa beerandi nda takaa kaŋ nda Abadantaa, ni Koyoo na ni yaamar hala ma duu aloomur, ma duu gomni gandaa ra kaŋ Abadantaa, ni Koyoo gʼa noo ma ne.

Alhukumoo 6:2

hala ma hunbur Abadantaa, ni Koyoo ni hunaroo kul ra, ni, nda ni izoo, nda izoo izoo ka nga hantumey, nda nga yaamarey kul dii, wey kaŋ agay, ay gʼi har ma ne hala ma duu aloomur.

Tesalonik borey bataga 1na 2:13

Hayaa kaŋ se ir mo, ir si fay nda ka albarka daŋ Irkoy se ti: waatoo kaŋ war maa Irkoy meešennoo kaŋ ir nʼa har war se, war yadda a ga. War manʼa dii sanda adamize šenni, amma war nkʼa dii sanda Irkoy meešennoo, šikka sii Irkoy meešennoo no, a ga goy mo war ra, war kaŋ ga naanay.

Timote bataga 1na 1:15

Šennoo woo, šenni hakiikante no, a ga hima ka diyandi nongoo kul here kaŋ Almasihu Isa nka kaa aduɲɲa ra ka zunubantey hallasi kaŋyaŋ agay ti i kul ibeeroo.