Yaasawey 31:30 - Songhai de Gao Bible

³⁰ Gaakuri ga darga, booriyan sii nda alfayda, woy kaŋ ga hunbur Abadantaa, nga ti boraa kaŋ ga saabandi.

Yaasawey 31:30 ပူးပေါင်းရင်းမြစ်များ

Yaasawey 1:7

Ka hunbur Abadantaa ti bayray šintinoo, saama mma lakkal nda hoyray tee yaada.

Yaasawey 11:22

Wura korbay nbirŋa niinoo ra ga hima nda woy boryo kaŋ sii nda lakkal.

Piyer bataga 1na 1:24

zama Citaaboo nee: «Hundikoyni kul manʼti kala sanda subu, nga daržaa kul si hima nda kala suboo kutukuryaa. Suboo kogu, de kutukuryaa kaŋ,

Yaasawey 8:13

Ka hunbur Abadantaa manʼti kala ka konna ifutu, boŋ beerandi, nda bolsay, nda fondo futu, nda deenebeeray, wey, ay ga konna ey.

Korent borey bataga 1na 4:5

Woo se war masi baffoo ciiti nda nga waatoo mana too, hala waati kaŋ ir Koyoo kaa kaŋ ga hayey mo kaŋ ga tugu kubaa ra daŋ gaayoo ra, ka borey biney miilewey fatawandi. Waatoo din Irkoy ga boro foo kul saabu nda woo kaŋ nda a ga hima.

Piyer bataga 1na 1:7

hala war naanaa kaŋ ga siyandi ma duu saabuyan, nda darža, nda beeray Isa Almasihu bangayroo ga. War naanaa bisa wura kaŋ ga dere kaŋ a ga siyandi nuune ra.

Luka 1:6

Ngi boro hinkaa kul ti boro šerranteyaŋ Irkoy jine. I ga dira nda cimi ir Koyoo yaamarey nda nga ašariyawey bande.

Zaburey 147:11

Borey kaŋ ga hunbur Abadantaa ga kan a se, borey kaŋ ga naata nga borohennataraa ga.

Yaasawey 6:25

Nga booroo masi tee ma ne bine-ibaayi, masi naŋ moɲey ma duu ni.

Samiyel 2to 14:25

Boro sii Izirayel ra kaŋ ga too Absalom booriyan ra, a ga kan borey se. Za ceetaamoo hala boŋoo laybu kul sii a ga.

Žak batagaa 1:11

Zama waynaa fatta nda nga konnoo, a ga suboo kogandi, nga kutukuryaa ga kaŋ, nga booroo dere. Takaa din da, almankoynoo ga menne nga goyey ra.

Waazukaa 12:13

Ir ma haŋajer šennoo woo kul benantaa se kaŋ ti: «Ma hunbur Irkoy, ma nga yaamarey dii.» Woo ti haya kaŋ adamize kul ga hima kʼa tee.

Rom borey batagaa 2:29

Boro kaŋ ti Alyahuudu nga kuneheroo ra, woo din ti Alyahuudu cimoo. Bine hurubanguyanoo kaŋ Irkoy Hundoo gʼa tee, a si teendi ašariyaa hantumoo harfoo ra, woo din ti hurubanguyan cimoo. Boraa woo dumoo saabuyanoo si hun boro do, Irkoy do a ga hun.

Waazukaa 7:18

A ga boori ma haya hinkaa woo dii i masi hun ni ra, zama boro kaŋ ga hunbur Irkoy ga duu fattadoo hayey wey kul ra.

Zaburey 112:1

Aleluya! Boraa duu gomni kaŋ ga hunbur Abadantaa, kaŋ nga yaamarey ga kan a se.

Yaasawey 11:16

Woy bine boryo ga duu beeray, boro laaley ga alman ceeci nda gaabi.

Yaasawey 22:4

Ka ni boŋ yeeti ganda nda ka hunbur Abadantaa, manʼti kala alman, nda beeray, nda hunayan duuyan.

Yaasawey 31:29

«Ize woy boobo na ngi alkadaroo cebe, amma ni, ni bisa i kul.»

Yaasawey 31:31

Wʼa noo nga goyoo banaa, nga teegoyey mʼa saabu koyra miɲoo jamaa margaroo ra!