Yaasawey 30:12 - Songhai de Gao Bible

¹² Zaman foo alwaddayaŋ goo no kaŋ ga hongu ngi ga henan, ka gar i mana ɲumay ka hun ngi žiiboo ra.

Yaasawey 30:12 ပူးပေါင်းရင်းမြစ်များ

Ayuba 33:9

Ni nee: ‹Ay ga henan, ya na ifutu tee, ay binoo ga henan, laybu sii ay ga.

Zaburey 36:2

Boro futu šenni foo goo ay binoo ra. Nga tureyanoo ra, nga do, a nee kaŋ Irkoy hunburay sii no.

Zaburey 51:2

Dawda ka doonoo woo don waatoo kaŋ annabi Nataŋ koy a do kaŋ Dawda marga nda Batšeba.

Zaburey 51:7

Za ay hayandi, agay nda zunubu no, za ay ɲaa gundoo ra, zunubante ti agay.

Yaasawey 16:2

Adamize ga hongu kaŋ nga fondawey kul ga henan, amma Abadantaa ma haya bay kaŋ goo hundi ra.

Yaasawey 21:2

Adamize ga hongu kaŋ nga fondawey kul ga šerre, amma Abadantaa no ma haya bay kaŋ goo bine ra.

Luka 16:15

A nee i se: «War, war ga ceeci ka tee boro šerranteyaŋ adamizey jine, amma Irkoy ga war biney bay, zama haya kaŋ adamizey nʼa jer, haya harramante no Irkoy do.

Luka 18:11

Fariziyeŋoo kay ka Irkoy ŋaaray nga binoo ra ka nee: ‹Irkoy, ay ga albarka tee ma ne, zama ay manʼti sanda adamizey cindey kaŋ ti komakawyaŋ, i si šerre, zinateeri, wala mo boraa woo kaŋ ti alkaasidiikaw.

Korent borey bataga 1na 6:11

Woo ti haya kaŋ war affooyaŋ cindi ka ti a. Amma war ɲumayandi, war jisandi jere ga Irkoy se, war tee boro šerranteyaŋ ir Koyoo Isa Almasihu maaɲoo nda Irkoy Hundoo albarkaa ra.

Timote bataga 2to 3:5

Ngi tarayheroo ga hima nda Irkoy ganakawyaŋ, amma i si yadda nga hinoo ga. Borey wey dumey, mooru i ga.

Tit batagaa 3:5

a nʼir hallasi, manʼti ir teegoy šerrantey albarkaa ra, amma nga tamallaa ra a nʼa tee. A nʼir hallasi kʼir ɲumay hala ir ma hayandi taaga ka bere ka taaga Hundi Henanantaa albarkaa ra.

Bangandiroo 1:5

nda Isa Almasihu kaŋ ti seede laadirantaa, nga ti boro jinaa kaŋ tun ka hun bukawey ra, nga ti kokoyey boŋkoynoo laboo ga. Nga ti boraa kaŋ ga baa ir, de a nʼir feeri kʼir kaa ir zunubey ra nda nga kuroo.

Alkaaley 17:13

Mika nee: «Sohõ ay ga bay kaŋ Abadantaa ga gomni tee ya ne, zama Lewi boro hunday ti ay sargari juwalkaa.»

Alkaaley 17:5

Woo gar Mika goo nda tooru hugu, a na beene kaayi-ize nda tooruyaŋ tee, a na nga izʼaru foo gorandi sargari juwalyan goyoo ra a ma tee a se sargari juwalkaw.