Yaasawey 3:7 - Songhai de Gao Bible

⁷ Masi ni boŋ dii lakkalkoyni, hunbur Abadantaa, ni boŋ moorandi ifutu.

Yaasawey 3:7 ပူးပေါင်းရင်းမြစ်များ

Samiyel 2to 12:20

Woo banda ga, Dawda tun laboo ra. A ɲumay, a yon, a na bankaaray barmay. A koy Abadantaa hugoo do ka sujudu. Kaŋ a willi nga hugoo do, a nee kaŋ i ma ŋaayan gorandi nga se, a ŋaa.

Nehemi 5:15

Goforner jinawey kaŋ kaa ay jine ga hanse ka jamaa farandi ka ŋaayan, nda alaneb hari mooro, nda nzorfu kaaray tamma boŋ woytaaci (40) dii i ga, ba ngi tamey ga ngi boŋ tee boŋkoyni jamaa se. Amma agay, Irkoy hunburay se ya na woo tee.

Ayuba 1:1

Aru foo cindi Utus gandaa ra kaŋ maaɲoo ti Ayuba. Aroo woo manʼti kala boro kaŋ ga laadir a ga šerre, a ga hunbur Irkoy, a ga nga boŋ moorandi ifutu.

Ayuba 28:28

Woo banda ga, a nee adamize se: ‹Ka hunbur war Koyoo, woo ti lakkal, ka mooru ifutu, woo ti fahamay!›»

Fattaroo 20:20

Musa nee jamaa se: «War masi hunbur, zama Irkoy nka kaa ka war sii, hala nga hunburaa ma bara war ra, war masi zunubu tee.»

Yaasawey 14:16

Lakkalkoyni ga hunbur, a ga mooru ifutu, lakkal jaŋante si nga boŋ dii, a ga naanay nga boŋ.

Yaasawey 14:27

Abadantaa hunburaa manʼti kala haya kaŋ ga hunayan noo ka hun buuyan kumsawey ra.

Yaasawey 16:6

Borohennataray nda cimi ga kate laybu ma yaafandi, Abadantaa hunburaa ga kate boro ma mooru ifutu.

Yaasawey 23:4

Masi ni boŋ farandi ka ceeci ka tee almankoyni, fay nda ka ni lakkaloo daŋ a se.

Yaasawey 26:12

Nʼga dii boro kaŋ ga nga boŋ dii lakkalkoyni wala? Tammahã goo lakkal jaŋante ga ka bisa a.

Yaasawey 26:5

Tuuru lakkal jaŋante se ka sawa nda nga saamataraa, hala a masi koy nga boŋ dii lakkalkoyni.

Yaasawey 28:11

Almankoyni mma nga boŋ dii lakkalkoyni, amma talka lakkalkoyni gʼa sii hala nga takaa ma fatta.

Yaasawey 28:26

Boro kaŋ na nga naanaa daŋ nga boŋ ra manʼti kala lakkal jaŋante, amma boro kaŋ ga dira nda lakkal ga hallasi.

Yaasawey 8:13

Ka hunbur Abadantaa manʼti kala ka konna ifutu, boŋ beerandi, nda bolsay, nda fondo futu, nda deenebeeray, wey, ay ga konna ey.

Waazukaa 12:13

Ir ma haŋajer šennoo woo kul benantaa se kaŋ ti: «Ma hunbur Irkoy, ma nga yaamarey dii.» Woo ti haya kaŋ adamize kul ga hima kʼa tee.

Rom borey batagaa 11:25

Agʼarmey, ay si baa war ma jaŋ ka sirroo woo bay hala war masi koy war boŋ dii lakkalkoyni. Izirayel jere faa binešendaa ga cindi hala waati kaŋ dumey jerey kul yee kate Irkoy ga.

Rom borey batagaa 12:16

War miilewey ma tee affoo, war masi war boŋ jer. Wa baa wey kaŋ ga ngi boŋ yeeti ganda. War masi war boŋ dii lakkalkoyni.