Yaasawey 3:33 - Songhai de Gao Bible

³³ Abadantaa dangayanoo goo boro futu hugoo ra, amma a ga albarka daŋ boro šerrante gorodogoo ra.

Yaasawey 3:33 ပူးပေါင်းရင်းမြစ်များ

Samiyel 2to 6:11

Abadantaa sundukoo cindi handu hinza Obed-Edom hugoo ra. Abadantaa na albarka daŋ Obed-Edom nda nga hugoo borey kul ra.

Ayuba 24:18

War ga nee kaŋ haroo ga koy nda boro futu nda gaabi, laaliyan ti nga bagaa laboo ga, a si yee ka alaneb faarey fondaa zaa.

Ayuba 31:12

Agay almuhaloo tee sanda nuune kaŋ gʼay diinandi hala guusu futaa ra, ka haya kul kaŋ ay duu a halaci.

Zaburey 1:3

A ga hima nda tuuri kaŋ dumandi hari bisadooyaŋ miɲey ga, a ga ize tee nga waatoo ga, fitawey si kogu, haya kul kaŋ a gʼa tee ga boori.

Zaburey 37:22

Zama borey kaŋ Irkoy na albarka daŋ i ra no ma gandaa mayray, borey kaŋ a nʼi laali ga halaci.

Zaburey 91:10

Bone kul si duu ni, balaawu kul si man ni gorodogoo.

Yaasawey 10:6

Albarka goo boro šerrante boŋoo ga, ifutu no ma boro laala miɲoo too.

Yaasawey 14:11

Boro futawey hugoo ga kayri, boro šerrantey hukkumoo ga duu albarka.

Yaasawey 15:6

Alman beeri goo boro šerrante hugoo ra, boro futu duuraa ga kate bone.

Yaasawey 21:12

Irkoy šerrantaa ga boro futu hugoo laasaabu, a gʼa kaŋandi bone ra.

Alhukumoo 11:28

War ga duu laaliyan nda war si haŋajer Abadantaa, war Koyoo yaamarey se, ka hun fondaa ga kaŋ ay gʼa noo war se hõ ka hanga koy tanayaŋ kaŋ war sʼi bay.

Alhukumoo 7:26

Masi haya almuhalante daŋ ni do hala masi koy tee nga cinaa kaŋ dangandi. Mʼa dii haya futu harramante, mʼa dii almuhal, zama a nka danga.»

Žozuwe 6:18

Wa hawgay war masi man hayey ga kaŋ ga hima ka halaci ka dere sõy, hayey kaŋ ga halaci ka dere sõy, war masʼi zaa, war masi koy halaci ka dere sõy, war masi koy Izirayel kaloo žiibandi, ka kate a ga bone.

Žozuwe 7:13

Tun ma jamaa daŋ jere ga ya ne. Ma nee: ‹Suba se, wa war boŋ daŋ jere ga Irkoy se, zama hayaa ne kaŋ Abadantaa, Izirayel Koyoo nʼa har, a nee: “Haya harramante goo war game, Izirayel. Nʼsi hin ka kay ni iberey jine kullihinne war mana haya harramantaa kaa war game.