Yaasawey 3:18 - Songhai de Gao Bible

¹⁸ Tuuri no kaŋ ga hunayan noo boro se kaŋ nʼa dii, boro kaŋ gaabu a ga duu gomni.

Yaasawey 3:18 ပူးပေါင်းရင်းမြစ်များ

Šintinoo 2:9

Irkoy Abadantaa na tuuri kul kaŋ nga gunayanoo ga boori zayandi laboo ra kaŋ ga ize hay kaŋ ga boori ŋaayan se. Saddiɲaa gamoo ra a na tuuriɲaa hinka zayandi: tuuroo kaŋ ga hunayan noo nda tuuroo kaŋ ga boro noo lakkal ka ihenna nda ifutu kaa cere ra.

Šintinoo 3:22

Woo banda ga, Irkoy Abadantaa nee: «Sohõ kaŋ boraa tee sanda ir kaŋ ga ihenna nda ifutu kaa cere ra, ir ma hawgay a masi deebe ka tuuroo kaŋ ga hunayan noo izoo kosu kʼa ŋaa ka huna hala abada.»

Yaasawey 11:30

Boro šerrante teegoyoo manʼti kala tuuri kaŋ ga hunayan noo, lakkalkoynoo ga duu borey.

Yaasawey 13:12

Tammahã kaŋ gay a si tee ga bine maray, amma nda nga sakoo tee, tuuri no kaŋ ga hunayan noo.

Yaasawey 15:4

Deene henna šenni manʼti kala tuuri kaŋ ga hunayan noo, amma deene dargante ga hundi hasara.

Yaasawey 4:13

Gaabandi hoyray bande, masʼa naŋ, gaabu a ga, zama nga ti ni hunaroo.

Yaasawey 8:32

«Sohõ ay izʼarey, wa haŋajer ya ne, borey duu gomni kaŋ gʼay fondawey gana.

Yaasawey 8:34

Boraa duu gomni kaŋ ga haŋajer ya ne, kaŋ ga kay zaari ka kaa zaari ay hugoo miɲoo ga, kaŋ ga goro ay hugoo miɲey carawey ga kʼa lakkal.

Waazukaa 7:12

Zama takaa kaŋ nda nooru ga boro sutura, takaa din da nda lakkal ga boro sutura, nafaa kaŋ goo lakkal ra manʼti kala a mma borey kaŋ goo nda lakkal noo aloomur.

Bangandiroo 2:7

Boro kaŋ goo nda haŋa ma maa hayaa kaŋ Irkoy Hundoo gʼa har Egilizey se! Boro kaŋ hin, ay gʼa noo tuuroo kaŋ ga hunayan noo izey ra a mʼi ŋaa. Tuuri no kaŋ sii kala Irkoy saddiɲaa ra.»

Bangandiroo 22:2

Koyraa farroo gamoo ra, isaa mee hinkaa ga, tuuroo kaŋ ga hunayan noo goo kaŋ ga hegayandi cee woy cindi hinka (12), handu kul a ga hay. Tuuroo fitawey no ma gandawey duubaanandi.