Yaasawey 28:18 - Songhai de Gao Bible

¹⁸ Boro kaŋ ga dira fondo laadirante ra ga hallasi, boro kaŋ ga hanga fondo šiira hinka, ga kaŋ affoo ra.

Yaasawey 28:18 ပူးပေါင်းရင်းမြစ်များ

Zaburey 125:5

Amma borey kaŋ ga šiiri ka koy fondo golbantey here, yala Abadantaa ma kate nda ey, ngi nda goy futu teekey! Yala alaafiya ma kaa Izirayel ga!

Zaburey 25:21

Yala laadirtaray nda šerretaray ma kay ya ne, zama ay ga tammahã ni ga.

Zaburey 26:11

Agay, ay ga dira nda laadirtaray. Abadantaa, ay feeri, hinna ay ga!

Zaburey 84:11

Ka zaari foo tee ni hugoo batumawey ra baa ka zaari zenber (1.000) tee nongu tana ra. Ya kay ay Koyoo hugoo jindoo ga, ay bagʼa nda ya goro boro laala hukkumey cire.

Yaasawey 10:25

Hew beeri bisayanoo banda ga, boro futu ga dere, boro šerrante asaasoo ga cindi abada.

Yaasawey 10:27

Ka hunbur Abadantaa ga aloomur kukandi, boro futu jiirey ga dungurandi.

Yaasawey 10:9

Boro kaŋ ga dira laadirtaray fondaa ra, koyoo ga dira nda binekanay, boro kaŋ na fondo šiira zaa, moo ga kay koyoo ga.

Yaasawey 28:10

Boro kaŋ ga boro šerrantey daŋ fondo laala ga ga kaŋ guusoo ra kaŋ a nʼa fanši, laadirantey ga gomni tubu.

Yaasawey 28:6

Talka kaŋ ga dira nga laadirtaraa ra baa almankoyni kaŋ ga dira fondo šiira ra.

Kabuyaney 22:21

Balam tun subbaahoo ra, a na nga farka woyoo soolu, a koy Mowab boŋkoyney bande.

Kabuyaney 22:32

Abadantaa almalaykaa nee a se: «Macin se nʼna ni farkaa kar cee hinza? Nga ne, agay ka fatta ka ni gagay, zama ay dii kaŋ naarumaa woo kaŋ ra ni goo, halaciyan fondo no.

Kabuyaney 22:35

Abadantaa almalaykaa nee Balam se: «Ni nda arey wey ma koy, amma hayaa hinne kaŋ ay gʼa har ma ne no nʼgʼa har.» Balam koy nda Balak boŋkoyney.

Galati borey batagaa 2:14

Amma waatoo kaŋ ay dii i si dira borey kul jine nda Alhabar Boryaa cimoo, ay nee Piyer se borey kul jine: «Nda ni kaŋ ti Alyahuudu, nʼga huna sanda boro kaŋ manʼti Alyahuudu, taka foo nʼga dumey kaŋ manʼti Alyahuudu gaabi i ma tee sanda Alyahuudu?»

Tesalonik borey bataga 1na 5:3

Waati kaŋ borey ga nee: «Baani nda lakkalkanay», dogoo din da halaciyan ga kaŋ i boŋ sanda takaa kaŋ nda taamari ga kaa woy gundekoyni ga, i si fatta a ra kul.

Bangandiroo 3:3

Hawgay nda woo kaŋ ni duu a ni maarʼa, gaabu a ga, ma tuubi. Nda nʼsi lakkal daŋ, ay ga kaa sanda zay, de mo nʼsi waatoo bay kaŋ ay ga kaa ni ga.