Yaasawey 28:13 - Songhai de Gao Bible

¹³ Boro kaŋ ga nga hooyaney tugu si koy jine, boro kaŋ yadda i ga, a nʼi naŋ, ga duu hinnari.

Yaasawey 28:13 ပူးပေါင်းရင်းမြစ်များ

Šintinoo 4:9

Kaŋ woo tee, Abadantaa na Kabila hãa ka nee: «Man ni armaa Habila?» A nʼa zaabi ka nee: «Ay si bay. Ni nka maa agay no mʼay armaa lakkal wala?»

Samiyel 2to 12:13

Dawda nee Nataŋ se: «Ay na zunubu tee Abadantaa ga.» Nataŋ nee Dawda se: «Abadantaa ga ni zunuboo kaa, nʼsi buu.

Samiyel 2to 14:32

Absalom nee Žowab se: «Ya nka sanba ma ne ka nee: ‹Kaa ne, ay ga ni donto ma koy nee kokoyoo se agay ka nee: “Macin se ay ga yee ka kaa ka hun Gešur? A baa ya ne ya goro no din hala hõ.”› Sohõ ay ga baa ya koy kokoyoo do, nda laybu goo ay ga, a mʼay wii.»

Kokoyey 2to 20:15

Ezayi nee koyne: «Macinyaŋ no i dii ey ni hugoo ra?» Ezekiyas zaabi ka nee: «I dii haya kul kaŋ goo ay hugoo ra. Haya sii no agay alman jisidogey ra kaŋ ay manʼa cebe i se.»

Taarikey 2to 6:26

Nda beenaa daaba, de ncirɲi si kaŋ, zama i na zunubu tee ma ne, nda i bere nongoo woo here ka ni ŋaaray, ka ni maaɲoo beerandi, ka ngi zunuboo naŋ ka kaa ni ga, zama nʼnʼi taabandi,

Ezra 10:11

Sohõ wa yadda war zunubey ga Abadantaa, war baabey Koyoo jine, war ma nga ibaayoo tee. Wa mooru gandaa jamawey nda woy yawey.»

Ezra 10:2

Yehiyel izʼaroo Šekaniya kaŋ si hun kala Elam hayroo ra nee Ezra se: «Ir, ir na laybu beeri tee ir Koyoo ga ka hiija woy yawyaŋ gandaa jamawey ra. Amma woo kul, tammahã goo Izirayel se hala hõ.

Nehemi 9:2

Izirayel borey hayroo na ngi boŋ fay nda yawey, i koy kay ka ngi zunubey nda ngi baabey laybey har kaaray.

Ayuba 31:33

Ya nkʼay hooyaney tugu sanda takaa kaŋ Adama bay kʼa tee wala? Ya nkʼay layboo tugu ay ziibaa ra wala?

Ayuba 33:27

A ga don adamizey jine ka nee: ‹Ay na zunubu tee, ay na haya šerrantaa šiirandi, ya na duu zukandoo kaŋ nda ay ga hima.

Ayuba 34:31

Nda boro nee Irkoy se: ‹Ay nʼay zukandoo muɲe, ay si yee koyne ka ifutu tee.

Zaburey 51:10

Ay mandi binekaanay nda ɲaali, woo ra birey kaŋ nʼnʼi kayri ga yafarhã.

Yaasawey 10:12

Konnay ga yenje tunandi, baji ga laybu kul daabu.

Yaasawey 17:9

Boro kaŋ ga tooɲeyan yaafa ga baji ceeci, boro kaŋ gʼa hongandi ga baakawyaŋ fay.

Sargarey 5:5

Boro kaŋ duu zunubey wey affoo, a ma hayaa har kaŋ zunuboo no a nʼa tee.

Yunusa 3:10

Sohõ kaŋ Irkoy dii kaŋ Niniwe borey tuubi nda cimi, a hinna i ga. Woo maaganda se Irkoy tun bonaa ga kaŋ a baa kʼa kaŋandi i boŋ.

Teegoyey 26:20

Ay jin ka borey kaŋ goo Damas, nda Žerizalem mo, nda Žude gandaa kul, nda gandawey waazu i ma tuubi ka bere Irkoy here ka teegoyyaŋ tee kaŋ ga cebe kaŋ i tuubi.

Alkaaley 10:15

Izirayel borey nee Abadantaa se: «Ir na zunubu tee, haya tee ir se kaŋ kan ma ne. Amma ir hallasi hõ!»

Samiyel 1na 15:13

Samiyel koy Sawul do, Sawul nee a se: «Abadantaa ma albarka daŋ ni ra. Ay na Abadantaa šennoo tee.»

Samiyel 1na 15:24

Sawul nee Samiyel se: «Ay na zunubu tee, ay na Abadantaa yaamaroo hoo, ay na ni šenney hoo. Ya nka hunbur jamaa, ay hanga ngi šenney.

Samiyel 1na 15:30

Sawul nee: «Ay na zunubu tee, sohõ ay gʼa wiri ni ga, ay beerandi ay jamaa boro beerey jine nda Izirayel jine. Ir ma yee cere bande, ay ga koy sujudu Abadantaa, ni Koyoo jine.»