Yaasawey 27:22 - Songhai de Gao Bible

²² Ba nda nʼna lakkal jaŋante dur tinda ra nda hinji attamoo ra, nga lakkal jaŋantetaraa si fay nda a.

Yaasawey 27:22 ပူးပေါင်းရင်းမြစ်များ

Kokoyey 1na 13:33

Hayey wey banda ga, Žeroboham mana yee nga teegoy futaa se banda. Alkabiila kul kaŋ no, a na boroyaŋ tee tooru ganadogey sargari juwalkey. Boro kul kaŋ ga baa nga ma tee sargari juwalkaw, a gʼa gorandi sargari juwalyan goyoo ra tooru ganadogey ra.

Fattaroo 12:30

Firawuuna tun cijinoo ra, nga, nda nga borey, nda Misira borey kul. Kaati beeri tee Misira ra, zama hugu sii no kaŋ ra bukaw sii.

Fattaroo 14:5

I na Misira kokoyoo bayrandi kaŋ jamaa zuru. Firawuuna nda nga borey na anniya barmay, i nee: «Cin ti woo kaŋ ir nʼa tee? Ir na Izirayel borey naŋ i ma hun ir goyoo ra!»

Fattaroo 15:9

Iberoo nee: ‹Ay gʼi gaarandi, ay ga duu ey, ay ga alganiimaa zamna, ay gʼa tee woo kaŋ ay baa, ay gʼay takubaa hoobu, ay kaboo gʼi halaci.›

Yaasawey 14:24

Lakkalkoyney kokoy fuulaa manʼti kala ngi almanoo, lakkal jaŋantey si hun ngi saamataraa ra.

Yaasawey 23:35

Nʼga nee: «I nʼay kar, ya na maate haya kul! I nʼay barzu, ya na bay! Nda ay tun, ay ga baa koyne!»

Yaasawey 26:11

Sanda hanši kaŋ ga yee hayaa ga kaŋ a nʼa yeeri, nga ti lakkal jaŋante kaŋ yee nga saamataraa ga.

Samiyel 1na 19:21

Sawul duu alhabaroo, a na dontokaw tanayaŋ sanba, ngi mo na annabitaray tee. A yee koyne ka dontokaw tanayaŋ sanba cee hinzantoo, ngi mo na annabitaray tee.