Yaasawey 27:18 - Songhai de Gao Bible

¹⁸ Boro kaŋ na jeejayɲaa saajaw ga izey ŋaa, boro kaŋ na lakkal daŋ nga jineboraa se ga duu beeray.

Yaasawey 27:18 ပူးပေါင်းရင်းမြစ်များ

Kokoyey 2to 18:31

War masi haŋajer Ezekiyas se, zama Asiri kokoyoo nee: ‹Wa alaafiya tee ay bande, wa fatta ka war boŋ noo ya ne. Nda woo teendi, war affoo kul ga nga alaneb faaroo nda jeejayɲaŋoo izey ŋaa, war affoo kul ga nga dayoo haroo haŋ,

Kokoyey 2to 3:11

Amma Žozafat nee: «Abadantaa annabi kul nka sii no kaŋ nda ir ga hin ka Abadantaa ibaayoo ceeci?» Izirayel kokoyoo borey jineboro foo zaabi ka nee: «Šafat izʼaroo Alyasu goo ne kaŋ ti Ilyasu taalibi maana.»

Kokoyey 2to 5:25

Gehazi koy nga koyoo Alyasu do. Alyasu nee a se: «Gehazi, man ra ni hun?» Gehazi nee: «Ni tamoo mana koy nongu kul ra.»

Kokoyey 2to 5:27

Aywa, Namaŋ jiraa ga bere ni nda ni hayroo ga hala abada.» Gehazi hun Alyasu do, jiray nʼa dii, gaahamoo kul bere ka kaaray sanda waa.

Ester 6:11

Haman na kokoyoo bankaaraa zaa, a na baryoo dii, a na bankaaraa daŋ Mardoše jindoo ra, a nʼa kaarandi baryoo ga kʼa ka yaara koyraa farroo ra. A ga kaati jinoo ra, a ga nee: «Woo si teendi kala boro se kaŋ kokoyoo ga baa nga mʼa beerandi!»

Zaburey 123:2

Sanda takaa kaŋ nda tamey moɲey sii kala ngi koyey ga, koŋŋa moɲey sii kala nga koyoo ga, takaa din da, ir moɲey sii kala Abadantaa, ir Koyoo ga hala waati kaŋ ra a na anneema tee ir se.

Fattaroo 24:13

Musa tun, nga nda nga banda hunoo Žozuwe, Musa žigi Irkoy tondi hondoo boŋ.

Yaasawey 17:2

Tam lakkalkoyni goo nga koyoo izʼaroo jine kaŋ ga boro haawandi, tamoo ga duu tubu nga koyoo izʼarey game.

Yaasawey 22:29

Ni dii boro kaŋ ga gaabandi nga goyoo ra wala? Nga kokoroo, kokoyyaŋ do a ga kaa ka goy, manʼti boro yaadayaŋ do.

Yaasawey 27:17

Guuru no ma guuru kaanandi, takaa din da boro ga nga cinaa noo lakkal.

Yaasawey 27:19

Nda nʼna hari guna, nʼga dii a ra ni ndumoo, takaa din da adamize lakkaloo ga nga binoo cebe.

Matiyu 24:25

Nga ne, ay na war haŋa žiibey kaa.

Matiyu 24:46

Tamoo din duu gomni kaŋ nga koyoo kaayanoo ga, a gʼa gar a ga takaa woo tee.

Marku 10:43

Amma war game manʼti takaa woo no, boro kaŋ ga baa nga ma tee boro beeri war ra, kala a ma tee war tamoo.

Luka 12:37

Tamey wey duu gomni kaŋ ngi koyoo kaayanoo ga, a gar i goo ma hanna. Cimoo ne kaŋ ay gʼa har war se, a ga gamahaw kʼi alhaadimay, de a ga sonbu kʼi noo ŋaayan.

Luka 12:42

Ir Koyoo nee: «May ti jinay talfikaw laadirante lakkalkoynoo kaŋ nga koyoo gʼa daŋ nga tamey jine hala a mʼi noo ŋaayan kaŋ ga hima waatoo ra kaŋ ga hima?

Luka 19:17

A nee a se: ‹A boori, tam henna, zama ni laadir hayey kul ikaccaa ra, ay ga ni noo koyra woy (10) mʼi laama.›

Yehiya 12:26

Boro kaŋ ga alhaadimay ya ne, kala a ma hanga agay, de mo nongu kaŋ ra agay, ay goo, nga ra ay tamoo mo goo. Boro kaŋ ga alhaadimay ya ne, Baabaa Irkoy gʼa beerandi.»

Teegoyey 10:7

Waatoo kaŋ almalaykaa kaŋ šelaŋ a se koy, Kornay ciya nga goykaw-izey boro hinka se nda sooje foo kaŋ ti ganakaw cimi kaŋ ga hanse ka man a.

Korent borey bataga 1na 3:8

Boraa kaŋ ga duma nda woo kaŋ ga haŋandi kul ti affoo, affoo kul, Irkoy gʼa bana nda woo kaŋ nda a gʼa hima.

Korent borey bataga 1na 9:13

War nka si bay kaŋ borey kaŋ ga goy kayantey tee Irkoy hugu beeroo ra si huna kala nda Irkoy hugu beeroo [hayey]? De mo war nka si bay kaŋ borey kaŋ ga goy sargari tonadogoo ra, ngi bagaa goo sargaroo ra kaŋ ga kaandi?

Korent borey bataga 1na 9:7

May no ma huru soojetaray a ma yee ka nga boŋ zaa? May no ma alaneb faari duma, de a si izoo ŋaa? Wala mo, may no ma adabba kur boy, de a si adabbaa wawaa haŋ?

Kolos borey batagaa 3:22

Baɲɲey, wa haŋajer haya kul here war aduɲɲa koyey se, war masi hayey tee ngi ndumey maaganda se, sanda ka ceeci ka kan adamize se, amma wa goy nda bine boryo ka hunbur ir Koyoo.

Timote bataga 2to 2:6

Kala beerikaa kaŋ fara ma tee boro jinaa kaŋ duu nga bagaa hegaa ra.

Piyer bataga 1na 2:18

War, goykaw-izey, wa yee war jineborey se ganda nda beeray timmante, manʼti wey din hinne kaŋ ga hennay i ga boori, amma ba wey kaŋ ga šendi.

Piyer bataga 1na 2:21

Woo ti hayaa kaŋ se war ciyandi, zama Almasihu mo nka zarabi war se, a na himakasine naŋ war se kaŋ war mʼa guna kʼa tee.

Samiyel 1na 2:30

Woo maaganda se agay Abadantaa, Izirayel Koyoo ka šelaŋ ka nee: ‹Ya nka kayandi kaŋ ni hugoo borey nda ni baabaa hugoo ga cindi ay sargari juwalkawtaraa ra hala abada.› Amma sohõ agay Abadantaa ka šelaŋ ka nee: ‹A ben. Zama borey kaŋ gʼay beerandi, ay gʼi beerandi, wey kaŋ gʼay kaynandi ga kaynandi.