Yaasawey 24:23 - Songhai de Gao Bible

²³ Šenney wey mana hun kala lakkalkoyney do: A si boori boro ma borey daŋ cere jine ciiti ra.

Yaasawey 24:23 ပူးပေါင်းရင်းမြစ်များ

Taarikey 2to 19:7

Sohõ, yala Abadantaa hunburaa ma bara war ra, wa hawgay, wa lakkal daŋ war dira takaa se, zama Abadantaa, ir Koyoo si baa haya kaŋ si šerre, a si baa ka borey bisandi cere, a si baa sufuray taayan.»

Ayuba 13:8

Nga bande war goo ka šelaŋ kʼa noo cimi wala?

Zaburey 107:43

Boro kaŋ goo nda lakkal ma hayey wey kul daŋ assal, a ma faham Abadantaa borohennataraa se.

Yaasawey 1:6

Woo ra a ga wan yaasawey nda šenney feeriyanoo, ka wan lakkalkoyney šenney nda ngi albatawey.

Yaasawey 18:5

A si boori ma boraa kaŋ tooɲe noo cimi, ka boro šerrante zukandi nga cimoo ga.

Yaasawey 22:17

Haŋa kayandi ka maa lakkalkoyney šenney se, ni binoo feeri ay bayraa se.

Yaasawey 28:21

Ka borey daŋ cere jine si boori, ŋaayan dunba se boro ga yadda ka goy futu tee.

Sargarey 19:15

Masi borey fay-fay ciiti ra: masi talkaa ndumoo guna, masi almankoynoo jer. Ma ni gandaa boro ciiti nda šerretaray.

Yehiya 7:24

War masi boro guna ka ciiti, amma wa ciiti nda fondaa.»

Alhukumoo 1:17

War masi boro guna ciitiyan ra. War ma haŋajer ikaccaa nda ibeeroo se. War masi hunbur adamize kul, zama ciitiyan manʼti kala Irkoy wane. Haya kaŋ šendi war se, war ma kate a ay do hala ya maarʼa.›

Alhukumoo 16:19

Masi ciiti šiirandi, masi borey bisandi cere, masi sufuray taa, zama sufuray mma lakkalkoyney danandi, a ga boro šerrantey šennoo šiirandi.

Žak batagaa 3:17

Lakkaloo kaŋ hun beene, haya jinaa ti, a ga henan, a ga alaafiya noo, a ga boro tee boro boryo, a ga waafakay ceeci, a ga too met nda hinnari nda teegoy henna, a si borey daŋ cere jine, almunafikitaray sii a ra.

Piyer bataga 1na 1:17

Nda war ga Irkoy kaŋ si borey bisandi cere cee sanda war Baabaa, a ga boro foo kul ciiti ka sawa nda nga teegoyoo, war ma dira hunburay ra war yawtaraa waatoo ra kaŋ war gʼa tee laboo ga.