Yaasawey 24:16 - Songhai de Gao Bible

¹⁶ zama boro šerrante ga kaŋ cee iyye, a ga tun, amma boro futu ga tatanji ka kaŋ bone ra.

Yaasawey 24:16 ပူးပေါင်းရင်းမြစ်များ

Šintinoo 19:35

Cijinoo din ra koyne, i na ngi baabaa haŋandi alaneb hari moora. Ize woy kaccaa koy marga nda a, amma Lotu mana bay nga izoo kaniyanoo nda tunyanoo kul ga.

Ester 7:10

I na Haman deeji bundoo ga kaŋ a nʼa hanse Mardoše se. Woo ra kokoyoo futayyanoo zunbu.

Ayuba 5:19

Zarabiyaŋ ga hin ka duu ni cee iddu, amma a ga ni hallasi, cee iyye bonaa si duu ni.

Zaburey 34:19

Abadantaa ga man borey kaŋ biney maray, a ga borey hallasi kaŋ biney hun.

Zaburey 34:21

A ga nga birey kul lakkal, ba affoo si kayri i ra.

Zaburey 37:24

Ba nda a kaŋ, a si cindi a ra, zama Abadantaa gʼa dii nda kaboo.

Zaburey 52:5

Ni baa ifutu ka bisa ihenna, ni baa taari ka bisa cimi. Kay-kayna

Zaburey 7:16

A ga guusu kuku fanši, de mo a kaŋ guusoo ra kaŋ nga hunday nʼa tee.

Zaburey 79:12

Ir Koyoo, ir taalamma gandawey kaŋ na ni kaynandi, i banandi hala cee iyye ngi kaynandiyanoo se.

Yaasawey 13:17

Dontokaw futu mma kaŋ bone ra, dontokaw naanayante ga kate baani.

Yaasawey 13:21

Bone ga hanga zunubantey, gomni ti šerrantey banaa.

Yaasawey 14:32

Boro laala, goy futaa no mʼa kaŋandi, boro šerrante ga duu nongu kaŋ ra a ga nga boŋ tugu ba nga buuyanoo ra.

Yaasawey 24:22

zama ne nda kayna almasiiba ga kaŋ i boŋ, may no ma zukandoo bay kaŋ Abadantaa nda kokoyoo gʼa zumandi i ga?

Yaasawey 6:15

Woo se dogoo din da, bone ga kaŋ a boŋ, a ga jirsi ka say, safari sii a ra.

Kabuyaney 32:23

Amma nda war mana woo tee, nga ne, war na zunubu tee Abadantaa ga, de war ma bay kaŋ war ga duu war zunuboo alhakoo.

Teegoyey 12:23

Dogoo din da ir Koyoo almalayka foo na Herod kar, zama a mana Irkoy jeeraa daŋ a ga. Nooniyaŋ nʼa ŋaa, hundoo hun.

Tesalonik borey bataga 1na 5:3

Waati kaŋ borey ga nee: «Baani nda lakkalkanay», dogoo din da halaciyan ga kaŋ i boŋ sanda takaa kaŋ nda taamari ga kaa woy gundekoyni ga, i si fatta a ra kul.

Samiyel 1na 26:10

Dawda nee koyne: «Ay ga žee nda Abadantaa kaŋ ga huna maaɲoo, Abadantaa no ma hin kʼa kar, nga waatoo mma too a ma buu, wala a ma doo wongoo ra i mʼa halaci.

Samiyel 1na 31:4

Sawul nee boraa kaŋ ga nga wongu jinawey zaa se: «Ni takubaa hoobu mʼay hay nda a kʼay wii, jofolowey wey masi kaa kʼay hay ka hooray ay ra.» Boraa kaŋ ga nga wongu jinawey zaa mana yadda, zama a hanse ka hunbur. Woo ga, Sawul na nga takubaa zaa, a na nga boŋ warra a ga.