Yaasawey 23:34 - Songhai de Gao Bible

³⁴ Nʼga tee sanda boro kaŋ ga kani teekoo gamoo ra, sanda boro kaŋ goo harihii waalaa boŋ beene.

Yaasawey 23:34 ပူးပေါင်းရင်းမြစ်များ

Samiyel 2to 13:28

Absalom na nga tamey yaamar ka nee: «Wa guna, ay gʼa wiri war ga, waati kaŋ Amnoŋ binoo hanse ka kan alaneb hari mooraa sabbu se, de ay ga nee war se: ‹Wa Amnoŋ kar›, waatoo din war mʼa wii. War masi hunbur, manʼti agay ka war yaamar wala? War ma albarka daŋ war boŋ ra, war ma gaabandi.»

Kokoyey 1na 16:9

Nga goykaa kaŋ maaɲoo ti Zimri hawandifutay a ga. Nga ti bari torka jeroo boŋkoynoo. Han foo Ela goo Tirsa, a ga harifutu haŋ ka suu Arsa hugoo ra. Arsa ti boraa kaŋ ga huga nda kokoyoo hugoo hayaa kul Tirsa koyraa ra.

Fattaroo 15:8

Ni hunsaroo gaaboo na haroo marga. Bondawey kay ma nee lalaba. Hari guusey kay teekoo gamoo ra.

Yaasawey 23:33

Ni moɲey ga dii hayayaŋ kaŋ i sʼi bay, ni binoo ga šenni yaadayaŋ har.

Yaasawey 23:35

Nʼga nee: «I nʼay kar, ya na maate haya kul! I nʼay barzu, ya na bay! Nda ay tun, ay ga baa koyne!»

Yaasawey 31:4

Lemuyel, a si boori kokoy se, a si boori kokoy se a ma alaneb hari mooro haŋ, boŋkoyni mo masi harifutu boonay.

Matiyu 24:38

Haney kaŋ hari beeroo mana kaa, borey ga ŋaa i ga haŋ, i ga hiiji i ga ngi izey hiijandi hala hanoo kaŋ Nuhu huru sunduku beeroo ra kaŋ tee harihii.

Luka 21:34

«Wa war boŋ hawgay, war biney masi koy hanga ŋaayan, nda suuyan, nda hundi alhuzun bande hala zaaroo din ma kaa war ga waati kaŋ war sʼa hongu.