Yaasawey 23:29 - Songhai de Gao Bible

²⁹ May no ma nee kaŋ nga bone, may no ma nee: «Hay»? May no ma yenje? May no binoo ga maray? May no ma maray yaada? May no moɲey ga kokooru?

Yaasawey 23:29 ပူးပေါင်းရင်းမြစ်များ

Šintinoo 19:33

Cijinoo din da ra, i na ngi baabaa haŋandi alaneb hari moora. Ize woy beeroo koy marga nda a, amma Lotu mana bay nga izoo kaniyanoo nda tunyanoo kul ga.

Šintinoo 49:12

Moɲey nere nda alaneb hari moora, de hiɲey kaaray nda waa.

Samiyel 2to 11:13

Dawda nʼa cee a ma kaa ka ŋaa ka haŋ nga jine, Dawda nʼa suwandi. Amma cijinoo ra, Uri fatta, de a kani nga koyoo tamey bande, a mana koy zunbu nga hugoo do.

Samiyel 2to 13:28

Absalom na nga tamey yaamar ka nee: «Wa guna, ay gʼa wiri war ga, waati kaŋ Amnoŋ binoo hanse ka kan alaneb hari mooraa sabbu se, de ay ga nee war se: ‹Wa Amnoŋ kar›, waatoo din war mʼa wii. War masi hunbur, manʼti agay ka war yaamar wala? War ma albarka daŋ war boŋ ra, war ma gaabandi.»

Yaasawey 20:1

Alaneb hari moora manʼti kala ɲooɲokaw, harifutu ga hoolo, boro kul kaŋ i gʼa suwandi si duu lakkal.

Yaasawey 23:20

Masi huru borey ra kaŋ ga suu nda alaneb hari moora, wey kaŋ ga ham ŋaa ka hoo,

Yaasawey 23:21

zama boro kaŋ ga suu nda boro kaŋ ga ŋaa ka hoo ga kaŋ talkataray ra, jirbi baji ga kate ma zaara-zaara daŋ.

Efez borey batagaa 5:18

War masi war boŋ suwandi nda harifutu, izefututaray no, amma war ma too met nda Irkoy Hundoo.