Yaasawey 22:23 - Songhai de Gao Bible

²³ zama Abadantaa ga kay ngi misoo ra, borey kaŋ ga ngi hayey taa i kone, Abadantaa ga hundey taa.

Yaasawey 22:23 ပူးပေါင်းရင်းမြစ်များ

Zaburey 103:6

Abadantaa si goy kala šerretaray se, a ga borey kul kaŋ i gʼi torro noo ngi cimoo.

Zaburey 12:5

borey kaŋ ga nee: «Ir deeney goo nda albarka, ir goo nda ir miɲey, may no ma hin ir?»

Zaburey 12:6

Zama alfukaarey kankamandi, talkey taabi, sohõ Abadantaa nee: «Ay ga tun, ay ga borey hallasi kaŋ ga jaw hallasiroo se.»

Zaburey 140:12

Deene-kaana si tee haya laboo ga, boro futu, bone si hun a bande.

Zaburey 140:13

Ay ga bay kaŋ Abadantaa ga ciiti boro se kaŋ ga taabi, a ga farakoyney noo ngi cimoo.

Zaburey 35:1

Woo ti Dawda zabur foo. Abadantaa, borey gurgay kaŋ gʼay gurgay, borey gandu kaŋ gʼay gandu!

Zaburey 35:10

Ay ga nee nda ay binoo kul: «Abadantaa, may no ma hima nda ni ka yalaafante kaa boraa kaŋ ga hin a kaboo ra, ka talkaa nda alfukaaroo kaa ngi komakaa kaboo ra?»

Zaburey 43:1

Irkoy, ciiti kʼay noo ay cimoo, ay faasa jamaa kaŋ si hinna ra! Ay kaa dargantey nda boro futawey kabey ra!

Zaburey 68:5

Wa don Irkoy se, wa zaburyaŋ tee nga maaɲoo se! Wa fondaa feeri boraa se kaŋ ga kaaru duulawey ga! Nga maaɲoo manʼti kala Abadantaa, wa yafarhã a jine.

Fattaroo 22:22

Nda nʼnʼi žilla, nda i tilasu ka kaati kʼay cee, šikka sii ay ga maa ngi kaatiroo se.

Fattaroo 22:23

Ay futuyanoo ga tun, ay ga war wii nda takuba. War wandey ga tee woyyaŋ kaŋ kurɲey buu, war izʼarey ga tee alyatim.

Yaasawey 21:7

Boro futawey laalaroo no mʼi ka koy, zama i ga wanji ka goy nda cimi.

Yaasawey 23:11

zama ngi faasakaa ga gaabi, a ga kay ngi misoo ra ka ni yenje.

Samiyel 1na 24:12

Guna, ay baabaa, ni burmusoo miɲoo guna ay kaboo ra. Ay na ni burmusoo miɲoo dunbu, ay mana ni wii. Nʼga dii kaŋ anniya futu sii ay do, tureyan sii ay do, ay mana duu ni ga zunubu. Amma ni, nʼgʼay hundoo ceeci kʼa kaa.

Samiyel 1na 24:15

May no Izirayel kokoyoo koy a wongu? May no nʼgʼa gaarandi? Hanši bukaw, nkanji yaada?

Samiyel 1na 25:39

Dawda maa kaŋ Nabal buu, a nee: «Albarka ma bara Abadantaa se kaŋ faasa ya ne tooɲaa kaŋ Nabal nʼa tee ya ne ra, kaŋ na agay, nga tamoo moorandi ifutu! Abadantaa na Nabal goy futaa kaŋandi a boŋ.» Dawda sanba ka Abigayel wiri hiijay.