Yaasawey 21:21 - Songhai de Gao Bible

²¹ Boro kaŋ ga hanga šerretaray nda borohennataray ga duu hunayan, nda šerretaray, nda beeray.

Yaasawey 21:21 ပူးပေါင်းရင်းမြစ်များ

Zaburey 112:4

Gaay ga fatta kubaa ra boro šerrantey se kaŋyaŋ ga alhormo tee, i ga tamalla, i ga šerre.

Yaasawey 10:16

Boro šerrante banaa manʼti kala hunayan, boro futu duuraa manʼti kala zunubu.

Yaasawey 11:19

Šerretaray ga koy hunayan ga, boro kaŋ si fay nda ifutu ga koy buuyan ga.

Yaasawey 15:9

Abadantaa ga konna boro futu fondaa, a ga baa boro kaŋ ga hanga šerretaray.

Yaasawey 22:4

Ka ni boŋ yeeti ganda nda ka hunbur Abadantaa, manʼti kala alman, nda beeray, nda hunayan duuyan.

Yaasawey 3:22

I ga ni hundoo noo hunayan, i ga ni jindoo taalam.

Matiyu 5:6

Borey duu gomni kaŋ ga boonay šerretaray sanda heraykoyni nda jawkoyni, zama ngi, i ga kaa ka kungu.

Rom borey batagaa 14:19

Woo maaganda se ir ma hanga hayey kaŋ ga koy alaafiya here nda wey kaŋ ti ir cere tontonyanoo.

Korent borey bataga 1na 15:58

Woo se agʼarmey, ay baakey, wa gaabandi, war masi bere-bere, war ma koy jine waati kul ir Koyoo goyoo ra, zama war ga bay kaŋ war goyoo si tee yaada ir Koyoo albarkaa ra.

Filipi borey batagaa 3:12

Manʼti ya nka too guwoo ga ka ben wala ya nka tee boro kaŋ timme hayey kul here. Amma ya mma zuru ka koy a ga, ka ceeci ka duu a, zama agay hunday, Almasihu [Isa] duu agay.

Tesalonik borey bataga 1na 5:21

Amma wa haya kul faranfaaša, woo kaŋ ga boori, war ma gaabu a ga.

Timote bataga 1na 6:11

Amma ni, ya Irkoy boraa, zuru hayey wey se, hanga šerretaray, nda Irkoy ganayan, nda naanayyan, nda baji, nda muɲeyan, nda bineyaynay bande.

Timote bataga 2to 2:22

Zuru soogataray boonay futawey se, hanga šerretaray, nda naanayyan, nda baji, nda alaafiya borey bande kaŋ gʼir Koyoo cee nda bine henanante.

Eberewey batagaa 12:14

Wa ceeci alaafiya ma bara war nda borey kul game, nda henanyan, bila henanyan boro kul si dii ir Koyoo.

Piyer bataga 1na 1:7

hala war naanaa kaŋ ga siyandi ma duu saabuyan, nda darža, nda beeray Isa Almasihu bangayroo ga. War naanaa bisa wura kaŋ ga dere kaŋ a ga siyandi nuune ra.