Yaasawey 21:1 - Songhai de Gao Bible

¹ Kokoy bine ga hima nda gooruyaŋ Abadantaa kaboo ra, a gʼa bere ka koy nongu kaŋ kan a se here.

Yaasawey 21:1 ပူးပေါင်းရင်းမြစ်များ

Kokoyey 2to 19:33

A si willi kala nda fondaa kaŋ nda a kaa, a si huru koyraa woo ra, agay Abadantaa ka šelaŋ.

Ezra 1:1

Pers gandaa kokoyoo Sirus laamaa jiiri jinaa ra, hala Abadantaa šennoo kaŋ a nʼa har nda Žeremi miɲoo ma tabati, Abadantaa na lakkal foo daŋ Pers kokoyoo Sirus binoo ra. Woo se Sirus na šenni har kʼa hantum nga laamaa kul se, a nee:

Ezra 1:2

«Agay Sirus, Pers kokoyoo no ka nee: ‹Abadantaa, beenaa Koyoo nʼay noo laboo kokoy laamawey kul, a daŋ kaŋ ya hugu cin taaga nga se Žerizalem, Žuda gandaa ra.

Ezra 6:22

I na Takulawey kaŋ ra dolobiri sii jingaroo tee nda ɲaali jirbi iyye, zama Abadantaa nka biney kaanandi ka Asiri kokoyoo binoo gooji i se kʼi faaba Irkoy, Izirayel Koyoo hugoo cinaroo ra.

Nehemi 1:11

Ay Koyoo, ay gʼa wiri ni ga, ma haŋajer agay, ni tamoo ŋaarayroo se nda ni tamey kaŋ ga baa ngi ma hunbur ni maaɲoo ŋaarayroo se. Ay noo hõ ya hayaa tee kaŋ agay, ni tamoo ga baa yʼa tee, daŋ aroo woo binoo ra a ma tamalla ya ne.» Alwaatoo woo gar kaŋ ay si huga nda kala kokoyoo haŋhayey.

Nehemi 2:4

Kokoyoo nee ya ne: «Sohõ, macin no nʼga baa?» Ay na beenaa Koyoo ŋaaray.

Nehemi 2:8

Ya duu bataga kokoyoo hawsaa lakkalkaa kaŋ ti Asaf se hala a mʼay noo bundu wongu hugoo ganbey se, hugoo jeroo ga, nda koyraa cetaa se, nda hugoo kaŋ ra ay ga koy.» Kokoyoo nʼa tee ya ne, zama ay Koyoo albarkaa goo ay ga.

Ester 2:17

Kokoyoo baa Ester ka bisa woyey cindey kul, Ester kan a se, nga takaa kan a se ka bisa woy soogey kul kaŋ si aru bay. Woo ga, a na kokoy fuulaa daŋ boŋoo ga, a nʼa tee kokoy woy Wasti dogoo ra.

Zaburey 105:25

Woo banda ga, Irkoy na Misira borey biney barmay, takaa kaŋ ra i konna Irkoy jamaa, i na nga tamey zanba.

Zaburey 106:46

A na ngi tamallaa daŋ borey kul biney ra kaŋ koy nda ey tamtaraa ra.

Zaburey 114:3

Teekoo dii a, a zuru, Žurdeŋ isaa yee banda.

Zaburey 114:5

Macin ka duu ni, teekoo, kaŋ se ni zuru? Macin ka duu ni, Žurdeŋ isaa, kaŋ se ni yee banda?

Zaburey 74:15

Ni no ka hari fattadoo nda isa-ize kaataray, ni no ka isayaŋ kaŋ si kogu kogandi.

Zaburey 93:4

Amma Abadantaa hinoo ga bisa hari jinde beerey, a ga bisa teekoo bonday beerey, Abadantaa kaŋ goo beene hinoo ga bisa ey.

Fattaroo 7:3

Agay, ay ga Firawuuna binoo šendandi, ay gʼay tammaasawey nda ay kayfey boobandi Misira gandaa ra.

Yaasawey 16:1

Adamize ga haya kayandi nga binoo ra nga mʼa tee, amma zaaboo kaŋ Abadantaa miɲoo nʼa noo no ma teendi.

Yaasawey 16:9

Adamize binoo no ma nga fondaa hanse, Abadantaa no ma nga diraa gongu.

Yaasawey 20:24

Abadantaa no ma adamize gongu, taka foo nda adamize ga nga fondaa bay

Teegoyey 7:10

A nʼa kaa nga zarabey kul ra, a nʼa noo alhormo nda lakkal Firawuuna, Misira kokoyoo do, a nʼa tee jineboro Misira nda nga hugoo kul se.

Bangandiroo 16:12

Idduwantoo na nga potoo doori isa beeroo ra kaŋ se i ga nee Efrat, haroo kogu hala fondo ma teendi kokoyey se kaŋ ga kaa ka hun waynahunay.

Bangandiroo 16:4

Ihinzantoo na nga potoo doori isawey boŋ nda hari dandidogey ra, i bere ka tee kuri.