Yaasawey 20:20 - Songhai de Gao Bible

²⁰ Boro kaŋ na nga ɲaa nda nga baaba danga, nga fitillaa ga buu kubaa ra.

Yaasawey 20:20 ပူးပေါင်းရင်းမြစ်များ

Ayuba 18:18

I nʼa kaa gaayoo ra ka koy kubaa ra, I gʼa gaaray a ma hun aduɲɲa ra.

Fattaroo 20:12

Ma ni baabaa nda ni ɲaa beerandi hala ma duu aloomur gandaa ra kaŋ Abadantaa, ni Koyoo gʼa noo ma ne.

Fattaroo 21:17

Boro kaŋ na nga ɲaa wala nga baabaa kaynandi, a waazibi boraa ma wiiyandi.

Yaasawey 13:9

Boro šerrantey gaayoo ga ɲaalandi, boro futawey fitillaa ga buu.

Yaasawey 20:21

Boro kaŋ za a šintin nga no a cahã ka duu alman, nga kokoroo si duu albarka.

Yaasawey 24:20

zama kokoray sii boro laala se, boro futawey fitillaa ga buu.

Yaasawey 30:11

Zaman foo alwaddayaŋ goo no kaŋ ga ngi baaba danga, de i si gaara ngi ɲaa se.

Yaasawey 30:17

Boro kaŋ ga nga baaba kašikaši, de a ga nga ɲaa šenney yala, gooroo gaaru-gaarey ga moɲey looti, dutal-izey gʼa ŋaa.

Sargarey 20:9

Boro kul kaŋ na nga baabaa wala nga ɲaa danga šikka sii ga wiiyandi. A na nga baabaa wala nga ɲaa danga, nga hundoo alhakoo goo a ga.

Matiyu 15:4

Zama Irkoy nka nee: ‹Ma ni ɲaa nda ni baabaa beerandi.› De mo: ‹Boro kaŋ na nga ɲaa wala nga baabaa kaynandi, a waazibi boraa ma wiiyandi.›

Matiyu 22:13

Kokoyoo nee tamey se: ‹Wa cewey nda kabey haw, war mʼa warra taray, taray kubaa ra. No din ra hẽeni nda hiɲekaamayan ga tee.›

Matiyu 25:8

Lakkal jaŋantey nee lakkalkoyney se: ‹Wa ir noo war jiyey ra, zama ir fitillawey goo ma buu.›

Alhukumoo 27:16

Boraa laali kaŋ ga nga baabaa nda nga ɲaa kaynandi. Jamaa kul ga nee: ‹Amin.›

Žud batagaa 1:13

I ga ngi teegoy haawantey boosandi sanda takaa kaŋ nda teekoo bonday gaabanteyaŋ ga ngi kufoo warra. I ga hima nda handarayyaŋ kaŋ si bay nongu kul kaŋ ra ngi ga koy, kubaa bibiroo jisandi i se hala abada.