Yaasawey 2:6 - Songhai de Gao Bible

⁶ Zama Abadantaa no ma lakkal noo, nga miɲoo ra bayray nda fahamay ga hun.

Yaasawey 2:6 ပူးပေါင်းရင်းမြစ်များ

Kokoyey 1na 10:24

Aduɲɲa kul ga ceeci ka dii Sulaymaana hala lakkaloo kaŋ Irkoy nʼa noo a se, nga ma maa a se.

Kokoyey 1na 3:12

nga ne, woo kaŋ nʼnʼa wiri, ay gʼa tee. Ay ga ni tee boro kaŋ goo nda bayray, ay ga ni noo lakkal kaŋ ay mana bay ka nga cinaa noo boro se, ay si yee ka nga cine noo boro kul se koyne ni banda ga.

Kokoyey 1na 3:9

Woo ga, lakkal noo ni tamoo se, hala a ma ni jamaa juwal ka boori, ka ihenna nda ilaala kaa cere ra. Nda manʼti woo, may no ma hin ka ni jamaa beeroo juwal?»

Taarikey 1na 22:12

Yala Abadantaa ma ni noo fahamay nda lakkal, hala waati kaŋ a na ni gorandi Izirayel boŋ, ma Abadantaa, ni Koyoo ašariyaa gana.

Ezra 7:25

De mo ni, Ezra, ka sawa nda Irkoy lakkaloo kaŋ goo ma ne, ma alkaaliyaŋ nda ciitikawyaŋ gorandi kaŋ ga ciiti Efrat isaa waynakaŋay here kaboo jamaa kul se, maanaa borey kul kaŋ ga ni Koyoo ašariyaa bay. Mʼi bayrandi borey se kaŋ sʼi bay.

Nehemi 7:5

Ay Koyoo daŋ ay binoo ra ya borciney, nda alkaaley, nda jamaa marga kʼi hantum. Ay na taarikoo citaaboo gar kaŋ ra boro jinawey kaŋ koy maaɲey goo, hantumoo kaŋ ay dii a, a ra ti:

Ayuba 12:13

Irkoy kone lakkal nda hini goo, nga wane hoyray nda fahamay.

Ayuba 12:16

Nga kone gaabi nda lakkal goo, borey kaŋ dere nda borey kaŋ ga borey derandi, i kul ti nga wane.

Ayuba 22:22

Ay gʼa wiri ni ga, ma haŋajer nga cawandoo se, de ma nga šenney daŋ ni binoo ra.

Ayuba 32:8

Amma nda cimi, hundoo kaŋ goo adamize ra, manʼti kala Hini-kul-koyoo hunsaroo kaŋ ga adamize noo fahamay.

Zaburey 119:104

Ni hayey kaŋ nʼnʼi har gʼay noo lakkal, woo se ay ga konna taari fondo kul.

Zaburey 119:34

Ay noo lakkal, ay ga ni ašariyaa gana, de ay gʼa dii nda ay binoo kul.

Zaburey 119:98

Ni yaamaroo gʼay tee lakkalkoyni ka bisa agay iberey, zama a goo ay kone hala abada.

Zaburey 19:7

A ga tun beenaa kaydogey ga, a ga nga zuraa benandi boŋ faa ga, nga konnoo si haya kul naŋ.

Zaburey 19:8

Abadantaa ašariyaa ga timme, a ga albarkaa daŋ boro ra. Abadantaa seedetaraa ti cimi, a ga boŋbii noo lakkal.

Zaburey 51:6

Ni ga, ni hinne ga, ay na zunubu tee, ay na goyfutu tee ni jine, hayaa kaŋ nʼnʼa har, ni goo nda cimi, ni ciitoo ga henan.

Zaburey 94:10

Boraa kaŋ ga dumey aladabu nka sʼi zukandi wala, nga kaŋ ga bayray cawandi adamizey se?

Fattaroo 31:3

Ay nʼa too met nda Irkoy Hundoo, nda lakkal, nda bayray, nda goy fahamay dumi kul.

Yaasawey 6:23

Zama yaamaroo manʼti kala fitilla, cawandoo manʼti kala gaay, kašetawey nda aladaboo ti hunayan fondaa.

Waazukaa 2:26

Zama boro kaŋ ga kan a se, a gʼa noo lakkal, nda bayray, nda ɲaali, amma zunubante, a gʼa hugandi a ma goy ka marga, kʼa jisi boraa se kaŋ ga kan Irkoy se. Woo mo sii nda addalil sanda hew gaarandiyan.

Luka 21:15

Agay hunday ga war noo mee nda lakkal kaŋ war nkuway kul si hin ka kay war jine wala ka kakaw.

Yehiya 6:45

A hantumandi annabey citaabey ra ka nee: ‹Irkoy gʼi kul cawandi.› Takaa din da, boro kul kaŋ maa Baabaa Irkoy se ka hayey kaŋ a gʼi cawandi dii, ga kaa ay do.

Žak batagaa 1:17

Nooyan henna kul nda nooyan timmante kul si hun kala beene, gaayey Baabaa do. Nga kaŋ si barmay, a si tee bii kaŋ ga bere-bere.

Žak batagaa 1:5

Nda boro goo war ra kaŋ sii nda lakkal, a mʼa wiri Irkoy ga kaŋ ga borey kul noo nda kabedoonay bila citi, a gʼa noo a se.