Yaasawey 19:13 - Songhai de Gao Bible

¹³ Izʼaru lakkal jaŋante ga kate bone nga baaba ga, woy yenjewey ga hima nda ndorro kaŋ si fay nda ka doo.

Yaasawey 19:13 ပူးပေါင်းရင်းမြစ်များ

Ayuba 14:19

Haroo ga tondey ŋaa, ncirɲi beeri ga koy nda labutaasoo, takaa din da, nʼga adamize naataa derandi.

Yaasawey 10:1

Sulaymaana yaasayyaŋ ti wey. Izʼaru lakkalkoyni ga baaboo binoo ɲaalandi, izʼaru lakkal jaŋante ga ɲaŋoo binoo hẽenandi.

Yaasawey 15:20

Izʼaru lakkalkoyni ga baaboo binoo ɲaalandi, boro lakkal jaŋante ga nga ɲaa kaynandi.

Yaasawey 17:17

Boro ceroo ga baji cebe waati kul, arma kaa aduɲɲa ra ka ni faaba waati šendey ra.

Yaasawey 17:21

Boro kaŋ na lakkal jaŋante hay ga duu dooray, saama baaba si hin ka ɲaali.

Yaasawey 17:25

Izʼaru lakkal jaŋante ga nga baaba dor, a ga boraa kaŋ nʼa daŋ aduɲɲa ra binoo maray.

Yaasawey 21:19

Boro ma bara ganda ra kaŋ ti saaji baa boro ma bara woy yenjekaari tooɲante bande.

Yaasawey 21:9

Boro ma bara sooro batuma kanje ra baa boro ma bara hugu ra woy yenjekaari bande.

Yaasawey 25:24

Boro ma bara sooro batuma kanje ra baa ma bara hugu ra woy yenjekaari bande.

Yaasawey 27:15

Ndorro kaŋ si fay nda ka doo ncirɲi zaari hane, takaa din da ti woy yenjekaari.