Yaasawey 18:19 - Songhai de Gao Bible

¹⁹ Arma kaŋ i nʼa tooɲe manyan ga šendi ka bisa koyra gaabante diiyan, yenje ga hima nda kokoy hugu kufaley.

Yaasawey 18:19 ပူးပေါင်းရင်းမြစ်များ

Šintinoo 37:11

Isufi armey canse a ga, amma baaboo gaabu šennoo ga.

Samiyel 2to 13:22

Absalom mana haya kul har Amnoŋ se ifutu wala ihenna ra. Amma Absalom konna Amnoŋ, zama a kaŋ nga woymaa Tamar ga.

Samiyel 2to 13:28

Absalom na nga tamey yaamar ka nee: «Wa guna, ay gʼa wiri war ga, waati kaŋ Amnoŋ binoo hanse ka kan alaneb hari mooraa sabbu se, de ay ga nee war se: ‹Wa Amnoŋ kar›, waatoo din war mʼa wii. War masi hunbur, manʼti agay ka war yaamar wala? War ma albarka daŋ war boŋ ra, war ma gaabandi.»

Kokoyey 1na 12:16

Waatoo kaŋ Izirayel kul dii kaŋ kokoyoo mana haŋajer ngi se, i nee kokoyoo se: «Macin baa bara ir se Dawda do? Tubuhaya sii ir se Yišay izʼaroo do. Izirayel borey, ir ma koy ir do, ni, Dawda hayroo, ni hunday ma lakkal daŋ ni hugoo se.» A tee takaa din da, Izirayel borey koy ngi do.

Taarikey 2to 13:17

Abiya nda nga borey hin ey hinay beeri, Izirayel aru kabe kaana boro zenber zangu guu (500.000) maray ka kaŋ ka buu.

Yaasawey 16:32

Boro kaŋ ga suuri baa wongaari, boro kaŋ ga hin nga boŋ baa boro kaŋ na koyra dii.

Yaasawey 18:18

Alkurra ga yenje benandi, a ga boro gaabanteyaŋ fay.

Yaasawey 18:20

Boro meešennoo ga hin kʼa noo haya kaŋ nda a ga huna, nga meešennoo ga hin kʼa noo haya kaŋ gʼa kungandi.

Yaasawey 6:19

nda seedezooru kaŋ ga taari šenni har, nda boro kaŋ ga yenje tunandi armayaŋ game.

Teegoyey 15:39

Citi huru gamey ra hala nongu kaŋ ra i fay. Barnabas na Marku dii ka harihii zaa ka koy Šipir.

Samiyel 1na 17:28

Eliyab, Dawda beerʼaroo kaŋ ga maa Dawda ga šelaŋ arey bande futu Dawda ga. A nee: «Macin se ni zunbu kate, may no nʼnʼa naŋ alman kur kaccaa din do saajoo ra? Agay, ay ga ni moo-izetaraa nda ni anniya laalataraa bay. Hala ma duu ka dii wongoo, nga se ni zunbu kate ne ra.»