Yaasawey 18:10 - Songhai de Gao Bible

¹⁰ Abadantaa maaɲoo manʼti kala soorohugu kuku gaabante, šerrante ga zuru ka huru a ra ka hallasi.

Yaasawey 18:10 ပူးပေါင်းရင်းမြစ်များ

Šintinoo 17:1

Waatoo kaŋ Ibirim duu jiiri woyyagga cindi yagga (99), Abadantaa bangay Ibirim se, a nee a se: «Agay ti Irkoy, Hini-kul-koyoo. Ma dira ay fondaa ra, ma henan.

Šintinoo 32:11

Ay ga hanse ka kacca anneemaa kul nda laadiryanoo kul kaŋ nʼnʼa tee ni tamoo se, zama hanoo kaŋ ay ga Žurdeŋ isaa woo deŋ, haya kul sii ay kone nda manʼti kala ay goboo, amma hõ jama hinka bara ya ne.

Samiyel 2to 22:2

A nee: «Abadantaa ti ay Tondoo, nda ay nongu gaabantaa, nda ay feerikaa.

Samiyel 2to 22:3

Irkoy ti ay Tondoo, nga ga ay ga wakkal, nga ti ay koraa, nga ti hilloo kaŋ gʼay hallasi, nga ti ay wakkalkaa, nongoo kaŋ ra ay ga tugu. Ay faabakaa, nʼgʼay kaa boro futantey kone.

Samiyel 2to 22:51

Abadantaa ga haya beeriyaŋ tee nga kokoyoo hallasiroo se. A ga goy nda borohennataray nga suubantaa kaŋ yonandi se, maanaa Dawda nda nga hayroo se hala abada.»

Zaburey 144:2

Nga no ma borohennataray cebe ya ne, ay tondi nongoo, nongoo kaŋ ra ay gʼay boŋ talfi, ay feerikaa, ay koraa nda boraa kaŋ ga ay ga talfi, a ga ay jamaa daŋ ay cire.

Zaburey 18:2

A nee: «Abadantaa, ay ga baa ni, ni ti agay albarkaa!

Zaburey 20:2

Yala Abadantaa ma ni zaabi binemarayyan zaari hane ra, yala Yakuba Koyoo maaɲoo ma ni hallasi!

Zaburey 27:1

Woo ti Dawda zabur foo. Abadantaa ti ay gaayoo, nga ti ay hallasiroo. May no ay ga hunbur a? Abadantaa ga ay hundoo ga talfi, may jine ay ga jiti?

Zaburey 91:14

Irkoy nee: «Zama de a na nga boŋ haw ay ga, woo se ay gʼa soolam, ay gʼa sutura, zama a gʼay maaɲoo bay.

Zaburey 91:2

Ay nee Abadantaa ga kaŋ nga ti nongoo kaŋ ga ay gʼay boŋ talfi nda ay nongu gaabantaa, ay Koyoo kaŋ ra ay nʼay naanaa daŋ.

Fattaroo 6:3

Ay bangay sanda Irkoy, Hini-kul-koyoo Ibirahima, nda Isiyaka, nda Yakuba se, amma ya nʼay boŋ bayrandi i se sanda Abadantaa.

Yaasawey 14:26

Boro kaŋ ga hunbur Abadantaa goo naataa henna ra, nga izey ga duu nongu kaŋ ra i ga ngi boŋ talfi.

Yaasawey 29:25

Ka jijiri adamize jine manʼti kala kumsay, boro kaŋ na nga naanaa daŋ Abadantaa ra ga hallasi.

Matiyu 1:23

«Nga ne, hondiyaa ga gunde zaa, a ga izʼaru hay, i ga maaɲoo daŋ Emanuwel» kaŋ maanaa ti «Irkoy goo ir gamey ra».

Bangandiroo 1:8

Agay, agay ti Alfa nda Omega, ir Koyoo Irkoy kʼa har, nga ti boraa kaŋ ga bara, kaŋ gay a ga bara, kaŋ goo kaa, Hini-kul-koyoo.

Samiyel 1na 17:45

Dawda nee Filisti boraa se: «Ni, nʼga kaa ay ga nda takuba, nda yaajiyaŋ. Agay, ay ga kaa ni ga nda Abadantaa, Aduɲɲakoyoo maaɲoo kaŋ ti Izirayel wongu-ize jamaa Koyoo kaŋ nʼnʼa wow.

Samiyel 1na 30:6

Dawda binoo hanse ka maray, zama jamaa goo ma nee kaŋ i ma Dawda warra nda tondi kʼa wii, zama jamaa kul biney tun, boro foo kul nga izʼarey wala ize woyey maaganda. Amma Dawda na bine tee Abadantaa, nga Koyoo albarkaa ra.