Yaasawey 16:21 - Songhai de Gao Bible

²¹ Bine lakkalkoyni no i gʼa cee fahamante, šenni henna mo ga bayray tonton.

Yaasawey 16:21 ပူးပေါင်းရင်းမြစ်များ

Kokoyey 1na 3:12

nga ne, woo kaŋ nʼnʼa wiri, ay gʼa tee. Ay ga ni tee boro kaŋ goo nda bayray, ay ga ni noo lakkal kaŋ ay mana bay ka nga cinaa noo boro se, ay si yee ka nga cine noo boro kul se koyne ni banda ga.

Zaburey 45:2

Ay binoo ga too nda šenni henna. Ay nee: «Ay dooni fayyaney hantumey manʼti kala kokoyoo wane!» Yala ay deenoo ma tee hantumkaw henna kalamoo!

Yaasawey 10:13

Boro kaŋ ga faham miɲoo ra lakkal goo, gobu jisandi lakkal jaŋante dumaa se.

Yaasawey 10:23

Goyfutu teeyan manʼti kala hooray lakkal jaŋante se, takaa din da no lakkal ga ti a fahamaykoyni se.

Yaasawey 10:8

Bine lakkalkoyni ga yaamarey dii, saamataray šenni harkaw ga halaci.

Yaasawey 15:7

Lakkalkoyney miɲey mma bayray fee, amma lakkal jaŋantey biney sii a ra.

Yaasawey 16:22

Boro kaŋ goo nda fahamay goo nda haya kaŋ ga hunayan noo, saama, nga saamataraa no mʼa gooji.

Yaasawey 23:15

Ay izʼaroo, nda ni binoo goo nda lakkal, ay binoo ga ɲaali.

Yaasawey 27:9

Jii nda dugu ga bine kaanandi, takaa din da boro ceroo hoyray hennaa si hun kala nga bine boryaa ra.

Waazukaa 12:10

Waazukaa na nga boŋ gaabi ka duu šenni hennayaŋ, i hantumandi nda fondaa, cimi šenniyaŋ no.

Matiyu 11:25

Alwaatoo din ra, Isa na šennoo zaa ka nee: «Ay ga albarka daŋ ma ne, Baaba, beenaa nda laboo Koyoo, zama nʼna hayey wey tugu lakkalkoyney nda borey kaŋ ga faham se, amma nʼnʼi bangandi zanka kaccey se.

Luka 4:22

Borey kul ga seedetaray henna har a ga, de boŋey ga haw nda šenni alhormantey kaŋ ga hun miɲoo ra, de i ga nee: «War kay, manʼti Isufi izoo no wala?»

Yehiya 7:46

Lakkalkey zaabi ka nee: «Abada adamize kul mana bay ka šelaŋ sanda boraa woo takaa!»

Rom borey batagaa 16:19

Borey kul bay kaŋ war ga haŋajer ir Koyoo se. Woo se ay ga ɲaali nda war, amma ay ga baa war ma tee lakkalkoyni ihenna here, war ma henan ifutu here.

Žak batagaa 3:17

Lakkaloo kaŋ hun beene, haya jinaa ti, a ga henan, a ga alaafiya noo, a ga boro tee boro boryo, a ga waafakay ceeci, a ga too met nda hinnari nda teegoy henna, a si borey daŋ cere jine, almunafikitaray sii a ra.