Yaasawey 16:2 - Songhai de Gao Bible

² Adamize ga hongu kaŋ nga fondawey kul ga henan, amma Abadantaa ma haya bay kaŋ goo hundi ra.

Yaasawey 16:2 ပူးပေါင်းရင်းမြစ်များ

Zaburey 36:2

Boro futu šenni foo goo ay binoo ra. Nga tureyanoo ra, nga do, a nee kaŋ Irkoy hunburay sii no.

Yaasawey 12:15

Saama ga hongu nga fondaa ga šerre, boro kaŋ ga maa hoyray se goo nda lakkal.

Yaasawey 16:25

A ga hin ka tee adamize ma tammahã kaŋ nga goo fondo šerrante ga, ka gar kokoroo ti fondo kaŋ ga koy buuyan here.

Yaasawey 17:3

Nzorfu kaaray ga mennandi botol ra, wura ga mennandi alforon ra, takaa din da bine siikaa ti Abadantaa.

Yaasawey 21:2

Adamize ga hongu kaŋ nga fondawey kul ga šerre, amma Abadantaa no ma haya bay kaŋ goo bine ra.

Yaasawey 24:12

Nda ni nee: «Ir si bay.» Boraa kaŋ ga bine fesufesu nka si bay wala? Boraa kaŋ ga hundi hawgay nka si bay wala? A ga boro bana ka sawa nda nga teegoyoo.

Yaasawey 30:12

Zaman foo alwaddayaŋ goo no kaŋ ga hongu ngi ga henan, ka gar i mana ɲumay ka hun ngi žiiboo ra.

Yaasawey 5:21

Zama Abadantaa jine adamize kul fondawey goo, nga no ma nga dira takawey kul laasaabu.

Kabuyaney 22:32

Abadantaa almalaykaa nee a se: «Macin se nʼna ni farkaa kar cee hinza? Nga ne, agay ka fatta ka ni gagay, zama ay dii kaŋ naarumaa woo kaŋ ra ni goo, halaciyan fondo no.

Luka 16:15

A nee i se: «War, war ga ceeci ka tee boro šerranteyaŋ adamizey jine, amma Irkoy ga war biney bay, zama haya kaŋ adamizey nʼa jer, haya harramante no Irkoy do.

Bangandiroo 2:18

«Hantum almalaykaa se kaŋ goo Tiyatir koyraa Egilizoo ra, nee a se: ‹Hayaa ne kaŋ Irkoy Izʼaroo gʼa har, boraa kaŋ moɲey ga hima nda nuune deene, de cewey ga hima nda alhan nerante:

Bangandiroo 2:23

Šikka sii, ay ga izey wii, woo ra Egilizey kul ga bay kaŋ agay no ma boro kuneheroo nda binoo fesufesu. War boro foo kul ay gʼa bana ka sawa nda nga teegoyey.

Alkaaley 17:6

Alwaatey din ra, kokoy sii Izirayel ra. Boro kul ga tee haya kaŋ kan a se.

Alkaaley 7:6

Borey hinnaa kaŋ na haroo zaa ngi kabey ra kʼa zuu nda ngi miɲey manʼti kala boro zangu hinza (300). Jamaa jeroo kul nka kanjezor ka hari haŋ.

Samiyel 1na 16:7

Abadantaa nee Samiyel se: «Masi nga kunturoo wala nga kayyanoo guna, zama ay wanji a ga. Abadantaa laasaaboo nda adamize wanoo manʼti affoo. Adamize si haya guna kala nda tarayheroo, amma Abadantaa, bine no a gʼa guna.»

Samiyel 1na 2:3

Wa fay nda bolsay šenni, fooma šenni kul masi hun war miɲey ra. Zama Abadantaa manʼti kala Koy kaŋ ga haya kul bay, nga no ma teegoyey kul neeši.