Yaasawey 15:27 - Songhai de Gao Bible

²⁷ Boro kaŋ ga baa alman futu ga kate nga hugoo ga bone, boro kaŋ ga konna sufuray tuguyan ra ga huna.

Yaasawey 15:27 ပူးပေါင်းရင်းမြစ်များ

Kokoyey 1na 2:40

Šimeyi tun, a na nga farkaa soolu, a koy Akiš do Gat. A na nga tamey ceeci, a dii ey, a kate nda ey ka hun Gat.

Kokoyey 2to 5:27

Aywa, Namaŋ jiraa ga bere ni nda ni hayroo ga hala abada.» Gehazi hun Alyasu do, jiray nʼa dii, gaahamoo kul bere ka kaaray sanda waa.

Zaburey 15:5

A si nooru garaw boro se ka albaha ceeci a ga, a si sufuray taa ka daŋ boro ga kaŋ mana haya kul tee. Boro kaŋ ga dira nda takaa woo si kaŋ hala abada.

Fattaroo 18:21

Ni, ma aru alkadaranteyaŋ suuba jamaa ra kaŋ ga hunbur Irkoy, laadiranteyaŋ kaŋ si zanba. I daŋ jamaa jine: boro zenber foo (1.000) kul ma affoo daŋ i jine, boro zangu (100) kul ma affoo daŋ i jine, boro woyguu (50) kul ma affoo daŋ i jine, boro woy (10) kul ma affoo daŋ i jine.

Fattaroo 23:8

Masi sufuray taa, zama sufuraa mma diikey tee danaw, a ga šikka daŋ šerrantey ga.

Yaasawey 1:19

Woo ti haya kaŋ ga tee boro ga kaŋ ga baa zanba alman, zanba alman ga nga koyoo hundoo kaa.

Yaasawey 11:19

Šerretaray ga koy hunayan ga, boro kaŋ si fay nda ifutu ga koy buuyan ga.

Yaasawey 11:29

Boro kaŋ na bone duma nga hugoo se, nga tuboo ga tee hew, saamaa ga tee lakkalkoynoo baɲɲaa.

Yaasawey 15:26

Abadantaa ga konna miile futay, šenni boryo ga henan.

Yaasawey 20:21

Boro kaŋ za a šintin nga no a cahã ka duu alman, nga kokoroo si duu albarka.

Yaasawey 23:4

Masi ni boŋ farandi ka ceeci ka tee almankoyni, fay nda ka ni lakkaloo daŋ a se.

Yaasawey 28:16

Boŋkoyni kaŋ sii nda lakkal mma kate laazaaba boobo borey ga, boro kaŋ si yadda alman futu ga, ga nga aloomuroo kukandi.

Yaasawey 28:25

Boro kaŋ si wasa haya ra ga yenje tunandi, amma boro kaŋ na nga naanaa daŋ Abadantaa ra ga huna daame ra.

Yaasawey 29:4

Kokoy, šerretaray nda a ga nga gandaa tabatandi, amma woo kaŋ ga alkaasi futu daŋ i ga, mmʼa kayri.

Alhukumoo 16:19

Masi ciiti šiirandi, masi borey bisandi cere, masi sufuray taa, zama sufuray mma lakkalkoyney danandi, a ga boro šerrantey šennoo šiirandi.

Alhukumoo 7:26

Masi haya almuhalante daŋ ni do hala masi koy tee nga cinaa kaŋ dangandi. Mʼa dii haya futu harramante, mʼa dii almuhal, zama a nka danga.»

Timote bataga 1na 6:10

zama nooru bajoo, nga ti haya laala dumi kul linjoo. Boro fooyaŋ kaŋ na ngi boŋ noo a se, i mooru naanaa, i na ngi hundey too nda marayyaŋ boobo.

Timote bataga 1na 6:9

Borey kaŋ ga baa ngi ma tee almankoyni, i ga kaŋ annešayan nda kumsay ra, nda boonay dargante laala boobo kaŋ ga adamizey kaŋandi halaciyan nda dereyan ra,

Žozuwe 6:18

Wa hawgay war masi man hayey ga kaŋ ga hima ka halaci ka dere sõy, hayey kaŋ ga halaci ka dere sõy, war masʼi zaa, war masi koy halaci ka dere sõy, war masi koy Izirayel kaloo žiibandi, ka kate a ga bone.

Samiyel 1na 12:3

Agay ne, wa seedetaray tee ay ga Abadantaa jine nda nga suubantaa kaŋ yonandi jine. May ga ay na haw kom? May ga ay na farka kom? May no ay nʼa zanba? May no ay nʼa kankam? May no ay na sufuray taa a kone ka moo daabu nga takaa ga? Wʼa har ya ne, ay ga war bana.»