Yaasawey 15:26 - Songhai de Gao Bible

²⁶ Abadantaa ga konna miile futay, šenni boryo ga henan.

Yaasawey 15:26 ပူးပေါင်းရင်းမြစ်များ

Zaburey 19:14

Koyne mo, agay, ni tamoo gagay ya si muray ka zunubu tee, i masi hin agay, woo ra taali si diyandi ay ga, ay ga henan laybu beeri here.

Zaburey 45:1

Donkey boŋkoynoo ka woo don. Dooni kaŋ bande kurbu linji iddukoyni goo. Woo ti Kora izey bayti dooni foo. A manʼti kala baji dooni.

Yaasawey 11:20

Bine šiira, almuhal no Abadantaa se, Abadantaa alhormaa goo boro bande kaŋ ga dira henanyan ra.

Yaasawey 15:23

Adamize ga ɲaali nda a na zaabi henna noo, ka šenni har nga waatoo ra ga hanse ka boori.

Yaasawey 15:25

Abadantaa ga hundi beerey hugey kayri, a ga woyoo kaŋ kurɲoo buu nongoo hawgay.

Yaasawey 15:27

Boro kaŋ ga baa alman futu ga kate nga hugoo ga bone, boro kaŋ ga konna sufuray tuguyan ra ga huna.

Yaasawey 16:24

Šenni kaana ga hima nda yuu, kaani no kormollo se, safari no gaaham se.

Yaasawey 24:9

Lakkal jaŋante miilewey manʼti kala zunubu, ɲooɲokaw manʼti kala almuhal borey se.

Matiyu 15:19

Zama bine ra hongu futawey, nda borowiiyaney, nda zinayaney, nda woy nda aru izefututarawey, nda zaytarawey, nda taari seedetarawey, nda wowyaney ga hun.