Yaasawey 15:12 - Songhai de Gao Bible

¹² Ɲooɲokaw si baa i ma nga daŋ fondaa ra, a si koy lakkalkoyney here.

Yaasawey 15:12 ပူးပေါင်းရင်းမြစ်များ

Taarikey 2to 18:7

Izirayel kokoyoo nee Žozafat se: «Aru folloku ka cindi kaŋ nda ir ga hin ka Abadantaa ibaayoo ceeci, amma agay, ay ga konna a, zama a si haya henna baffoo har ay ga, waati kul ifutu de no a gʼa har. Yimla izʼaroo Miše no.» Žozafat nee: «Kokoyoo, masi woo har.»

Ayuba 21:14

Ka gar i mma nee Irkoy se: ‹Hibi ir ga, ir si baa ir ma ni fondawey bay.

Yaasawey 1:22

«Boŋbiyey, hala waati foo no war ga fay nda ka baa war boŋbiitaraa? Hala waati foo no ɲooɲokey ga fay nda ka ɲooɲoyan boonay? Hala waati foo no lakkal jaŋantey ga fay nda ka konna bayray?

Yaasawey 13:1

Izʼaru lakkalkoyni mma haŋajer nga baaba hoyraa se, ɲooɲokaw si maa tejeyan.

Yaasawey 14:6

Ɲooɲokaw ga ceeci nga ma duu lakkal, amma a si duu a, lakkalkoyni se bayray manʼti kala haya faala.

Yaasawey 15:10

Boro kaŋ na fondaa naŋ, goojiyan cimi gʼa batu. Boro kaŋ ga konna hoyray ga buu.

Yehiya 7:7

Aduɲɲa si hin ka konna war, amma agay, a ga konna agay, zama ay goo ma seedetaray tee a ga kaŋ nga teegoyey ga laala.

Timote bataga 2to 4:3

Zama alwaati ga kaa kaŋ borey si cawyan cimoo suuri, i ga cawandikaw booboyaŋ marga ngi boŋ se, zama ngi alhawaa no i ga boonay ngi ma maarʼa.