Yaasawey 14:2 - Songhai de Gao Bible

² Boro kaŋ ga hanga fondo šerrante ga hunbur Abadantaa, boro kaŋ ga hanga fondo golbante mmʼa kaynandi.

Yaasawey 14:2 ပူးပေါင်းရင်းမြစ်များ

Samiyel 2to 12:9

Macin se nʼna Abadantaa šennoo kaynandi ka goy futu tee a jine? Nʼna Uri, Heti boraa kar ka naŋ Amoŋ borey mʼa wii nda takuba, nʼna nga wandoo taa kʼa tee ni wandoo.

Kokoyey 1na 3:6

Sulaymaana nee: «Ni ka borohennataray beeri tee ni tamoo Dawda se kaŋ ti ay baabaa, zama a dira ni jine nda laadirtaray, nda šerretaray, nda bine henna. Nʼna borohennataraa woo tee a se kʼa noo izʼaru kaŋ ga goro nga kokoy gorodogoo ra sanda woo kaŋ ne ka tee hõ.

Kokoyey 2to 17:34

Hala hõ i goo alaada žeeney bande. I si hunbur Abadantaa nda cimi. I si ngi hantumey, nda ngi hantumey kaŋ kayandi, nda ašariyaa, nda yaamaroo dii kaŋ Abadantaa nʼi daŋ Yakuba hayroo se, boraa kaŋ a na maaɲoo daŋ Izirayel.

Ayuba 1:1

Aru foo cindi Utus gandaa ra kaŋ maaɲoo ti Ayuba. Aroo woo manʼti kala boro kaŋ ga laadir a ga šerre, a ga hunbur Irkoy, a ga nga boŋ moorandi ifutu.

Ayuba 12:4

Ay tee ay cerey se haarayhaya, agay kaŋ ga Irkoy ŋaaray hala a mʼay zaabi, boro šerrantaa, laadirantaa ti ngi haarayhayaa!

Ayuba 28:28

Woo banda ga, a nee adamize se: ‹Ka hunbur war Koyoo, woo ti lakkal, ka mooru ifutu, woo ti fahamay!›»

Zaburey 112:1

Aleluya! Boraa duu gomni kaŋ ga hunbur Abadantaa, kaŋ nga yaamarey ga kan a se.

Zaburey 25:21

Yala laadirtaray nda šerretaray ma kay ya ne, zama ay ga tammahã ni ga.

Yaasawey 11:12

Boro kaŋ ga nga cinaa kaynandi sii nda lakkal, boro kaŋ goo nda fahamay mma dangay.

Yaasawey 16:17

Boro šerrantey fondaa ti ka hibi ifutu ga, boro kaŋ ga lakkal daŋ nga fondaa se ga nga hundoo hawgay.

Yaasawey 16:6

Borohennataray nda cimi ga kate laybu ma yaafandi, Abadantaa hunburaa ga kate boro ma mooru ifutu.

Yaasawey 19:1

Talka kaŋ ga dira laadirtaray ra baa boro kaŋ sii nda lakkal, a ga šenni šiirandi.

Yaasawey 2:15

ngi kaŋ ngi fondawey ga šiiri, ngi diradogey ga golbi-golbi

Yaasawey 28:6

Talka kaŋ ga dira nga laadirtaraa ra baa almankoyni kaŋ ga dira fondo šiira ra.

Waazukaa 12:13

Ir ma haŋajer šennoo woo kul benantaa se kaŋ ti: «Ma hunbur Irkoy, ma nga yaamarey dii.» Woo ti haya kaŋ adamize kul ga hima kʼa tee.

Luka 10:16

Boro kaŋ na haŋajer war se, agay se a na haŋajer. Boro kaŋ wanji war ga, agay ga a wanji. A gar, boro kaŋ wanji ay ga, boraa kaŋ nʼay sanba ga a wanji.»

Luka 16:14

Fariziyeŋey kaŋ ti nooru baakaw maa hayaa kul kaŋ Isa nʼa har, i nʼa ɲooɲo.

Teegoyey 10:22

I nee a se: «Kornay kaŋ ti jalakoyni, boro šerrante no, a ga hunbur Irkoy, Alyahuudey jamaa kul ga seedetaray henna har a ga, nga no almalayka henanante foo nʼa bayrandi kaŋ a ma ciya ka kate ma ne nga hugoo ra ka maa ni meešenney.»

Teegoyey 10:35

Amma ganda kul kaŋ no ra, boraa kaŋ ga hunbur a, a ga goy nda šerretaray, nga no ma kan a se.

Teegoyey 9:31

Egilizoo kaŋ goo Žude kul ra, nda Galile, nda Samari goo nda alaafiyaa, nga naanaa ga tonton, a ga dira ir Koyoo hunburaa ra, de a ga tonton Hundi Henanantaa albarkaa ra.