Yaasawey 13:25 - Songhai de Gao Bible

²⁵ Šerrante ga ŋaa hala boonoo ma hun, boro futawey gundey ga heray.

Yaasawey 13:25 ပူးပေါင်းရင်းမြစ်များ

Zaburey 103:5

A ga gomni tee ma ne hala ni žeenay ga, a ga ni soogataraa taagandi sanda dutal.

Zaburey 132:15

Ay ga albarka daŋ nga almanoo ra, ay ga nga talkey kungandi nda ŋaayan.

Zaburey 34:10

Wa hunbur Abadantaa, war, nga boro henanantey! Zama borey kaŋ ga hunbur a, haya kul sʼi kuma.

Zaburey 37:16

Boro šerrante kabehaya kaccaa baa boro futu boobo haya boobaa.

Zaburey 37:3

Ni naanaa daŋ Abadantaa ra, ma goy henna, ma goro gandaa ra, laadirtaray ma tee ni hunaa.

Yaasawey 10:3

Abadantaa si boro šerrantaa naŋ heray ra, a ga boro futawey ganji i ma duu woo kaŋ i gʼa boonay.

Yaasawey 13:18

Talkataray nda kayna ti boro kaŋ si baa hoyray bagaa, boro kaŋ ga yadda tejeyan ga, ga duu beeray.

Yaasawey 24:34

talkataraa kaŋ ga yaara-yaara ga kaŋ ni boŋ, jaŋay ga kaa ni ga sanda komakaw.

Yaasawey 6:11

talkataray ga kaŋ ni ga sanda yaara-yaarakaw, jaŋay ga kaa ni ga sanda komakaw.

Luka 15:14

Waatoo kaŋ a na nga almanoo kul ŋaa, heray beeri kaa gandaa din ga. A šintin a ga tilasu.

Alhukumoo 28:48

woo se iberey kaŋ Abadantaa gʼi sanba ni ga, nʼga tee i se tam heray nda jaw ra, nda gaa koonu, nda talkataray haya kul ra. Abadantaa ga guuru tiŋay-zaa-bundu daŋ ni jindoo ga hala waati kaŋ a na ni halaci.

Alhukumoo 32:24

Heray gʼi ɲoomandi, gaaham konni nda sorfa gʼi ŋaa, ay ga ganjihoogawey hiɲey nda gandakoyey naajey sanba i ga.

Tesalonik borey bataga 2to 3:10

Koyne mo waatoo kaŋ ir cindi war do, ir na war yaamar nda šennoo woo ka nee: «Boro kaŋ si baa goy masi ŋaa.»

Timote bataga 1na 4:8

Gaaham feeriyan goo nda nafaw kayna, Irkoy hunburay binde goo nda nafaw nongu kul here, allaahidu goo a ra sohõ da hunaroo se, allaahidu goo a ra hunaroo kaŋ goo kaa se.

Eberewey batagaa 13:5

Nooru baji masi war gongu, war ma wasa nda woo kaŋ goo war kone, zama ir Koyoo hunday nee: «Ay si ni naŋ abada, ay si ni fur abada.»