Yaasawey 13:20 - Songhai de Gao Bible

²⁰ Boro kaŋ ga dira lakkalkoyney bande ga duu lakkal, boro kaŋ ga dira lakkal jaŋantey bande ga fara.

Yaasawey 13:20 ပူးပေါင်းရင်းမြစ်များ

Šintinoo 14:12

I na Ibirim arma izʼaroo mo kaŋ ti Lotu nda nga almanoo kul zaa ka koy, zama a mana cindi ka goro kala Sodom.

Kokoyey 1na 12:10

Aru soogey kaŋ ti nga alwaddaa šelaŋ a se ka nee: «Borey wey kaŋ ga nee ma ne kaŋ ni baabaa na jeraw beeri fur ngi boŋ, ni, ma kaa a ra, koy šelaŋ i se ka nee kaŋ ni kabe-ize koddaa bisa ni baabaa centoo wargayan.

Kokoyey 1na 12:8

Amma Roboham wanji boro beerey hoyraa ga kaŋ i nʼa noo a se. Aru soogey kaŋ ti nga alwaddaa, wey kaŋ goo a jere, a nʼi hãa.

Kokoyey 1na 22:32

Waatoo kaŋ torka boŋkoyney dii Žozafat, i nee: «Šikka sii kaŋ Izirayel kokoyoo no.» I bere a ga kʼa tangam, amma Žozafat kaati ka ciya.

Kokoyey 1na 22:4

Akab nee Žozafat se: «Nʼga hanga ay bande ka koy Ramot wongu Galad ra wala?» Žozafat nee Izirayel kokoyoo se: «Agay nda ni manʼti kala sanda affoo, ay jamaa nda ni jamaa manʼti sanda affoo, ay baryey nda ni baryey ti sanda affoo.»

Taarikey 2to 10:8

Amma Roboham wanji boro beerey hoyraa ga kaŋ i nʼa noo a se. Aru soogey kaŋ ti nga alwaddaa kaŋ goo a jere, a nʼi hãa.

Taarikey 2to 19:2

Žehu, gunandikaa Hanani izʼaroo fatta kʼa kubay ka nee kokoyoo Žozafat se: «Boro futu ga hima ka faabandi wala? Nʼga baa borey kaŋ ga konna Abadantaa wala? Woo maaganda se Abadantaa futuroo ga kaŋ ni ga.

Taarikey 2to 22:4

A na goy futu tee Abadantaa jine sanda Akab hugoo borey takaa kaŋ baaboo buuroo banda ga, a na hoyraykawyaŋ zaa nga dereyanoo se.

Zaburey 119:63

Ay manʼti kala borey kul kaŋ ga hunbur ni ceroo nda borey kaŋ ga hayey dii kaŋ nʼnʼi har.

Yaasawey 13:19

Boro kaŋ duu haya kaŋ a gʼa boonay, a ga kan a se, ka fay nda ifutu manʼti kala almuhal lakkal jaŋante se.

Yaasawey 14:7

Mooru lakkal jaŋante, zama nʼsi duu bayray miɲoo ra.

Yaasawey 15:31

Haŋa kaŋ ga maa hoyray se kaŋ ga hunayan noo, boraa dogoo goo lakkalkoyney ra.

Yaasawey 22:24

Masi boro bine laala tee cere, masi hanga boro bine futu,

Yaasawey 22:25

hala masi koy doona nga attabiyawey, a masi tee ni hundoo se kumsay.

Yaasawey 7:27

Nga hugoo ti fondo kaŋ ga koy alaahara ka zunbu buuyan hugey do.

Yaasawey 9:6

Wa fay nda boŋbiitaray, war ga huna, wa koy jine fahamay fondaa ra!»

Teegoyey 2:42

I cindi diyawey cawandoo, nda ngi margakasinaa ra, nda takula dunbuyanoo, nda Irkoy ŋaarayroo ra.

Eberewey batagaa 10:24

Ir ma cere hawgay ka cere gaabandi baji nda teegoy henna ga.

Bangandiroo 18:4

Ay maa jinde tana kaŋ hun beenaa ra, a nee: «Ay jamaa, wa fatta a ra hala war masi hanga a bande nga zunubey ra, hala nga bonawey ra, haya masi kaŋ war boŋ.