Yaasawey 13:18 - Songhai de Gao Bible

¹⁸ Talkataray nda kayna ti boro kaŋ si baa hoyray bagaa, boro kaŋ ga yadda tejeyan ga, ga duu beeray.

Yaasawey 13:18 ပူးပေါင်းရင်းမြစ်များ

Zaburey 141:5

Nda boro šerrante nʼay kar, gomni no, nda a kašeta ay ga, jii no kaŋ goo ay boŋoo ga. Ay boŋoo si wanji a, ay ŋaarayroo ga duu ifutu ga fondo.

Yaasawey 12:1

Boro kaŋ ga baa hoyrayyan ga baa bayray, boro kaŋ ga konna tejeyan ga saama.

Yaasawey 13:13

Boro kaŋ na hoyray yebebe gʼa bana, boro kaŋ ga yaamarey beerandi ga duu nga albarkaa.

Yaasawey 13:19

Boro kaŋ duu haya kaŋ a gʼa boonay, a ga kan a se, ka fay nda ifutu manʼti kala almuhal lakkal jaŋante se.

Yaasawey 13:25

Šerrante ga ŋaa hala boonoo ma hun, boro futawey gundey ga heray.

Yaasawey 15:5

Saama mma nga baaba hoyraa kaynandi, boro kaŋ ga lakkal daŋ tejeyan se ga caram.

Yaasawey 19:6

Boro boobo ga baa ngi ma kan boŋkoyni se, boro kul ga baa nga ma tee kabedoona se cere.

Yaasawey 25:12

Wura haŋakorbay nda wura taalam henna ga hima nda haŋa kaŋ maa lakkalkoyni hoyraa se.

Yaasawey 9:9

Lakkalkoyni noo hoyray, a ga duu lakkal ka tonton, boro šerrante noo bayray, nga bayraa ga tonton.

Waazukaa 7:5

Boro ma haŋajer lakkalkoyni tejeyaney se baa boro ma haŋajer lakkal jaŋantey doonoo se.

Eberewey batagaa 12:25

Wa hawgay war masi wanji boraa ga kaŋ ga šelaŋ. Zama nda borey din kaŋ wanji boraa ga kaŋ ga šelaŋ laboo ga mana hallasi, taka foo nda ir ga hin ka hallasi nda ir na banda bere boraa se kaŋ šennoo hun beenaa ra?