Yaasawey 12:22 - Songhai de Gao Bible

²² Mee kaŋ ga taari manʼti kala almuhal Abadantaa se, borey kaŋ ga dira laadirtaray ra ga kan a se.

Yaasawey 12:22 ပူးပေါင်းရင်းမြစ်များ

Kokoyey 1na 13:18

Aru žeenaa nee a se: «Agay hunday manʼti kala annabi sanda ni. Almalayka ka Abadantaa šennoo ka too ay do ka nee ya ne: ‹Koy aroo do kʼa ka willi ni do a ma ŋaayan ŋaa, a ma hari haŋ.›» Nda cimi, aru žeenaa nka taari a se.

Zaburey 120:2

Abadantaa, ay hundoo hallasi kʼa kaa taariharkey kabey ra, deene dargantey ra.

Zaburey 5:6

Borey kaŋ ga ngi boŋ beerandi si kay ni jine, nʼga konna borey kaŋ ga šerretaray jaŋay tee.

Yaasawey 11:1

Neešihaya futu manʼti kala almuhal Abadantaa se, neeši tondi kaŋ ga timme ga kan a se.

Yaasawey 11:20

Bine šiira, almuhal no Abadantaa se, Abadantaa alhormaa goo boro bande kaŋ ga dira henanyan ra.

Yaasawey 15:8

Abadantaa ga konna boro futawey sargaroo, boro šerrantey ŋaarayroo ga kan a se.

Yaasawey 17:7

Šenni kayante si hun saama ra, soko taari ma hun boŋkoyni mee ra.

Bangandiroo 21:8

Amma alkubey, nda borey kaŋ si naanay, nda harramantey, nda borowiikey, nda woy nda aru izefututaray teekey, nda kottekoyney, nda tooru ganakey, nda taariharkey kul bagaa manʼti kala guusu beeroo kaŋ ra nuune nda ganjibaali ga dii: woo ti buuyan hinkantoo.»

Bangandiroo 22:15

Hanšey, nda kottekoyney, nda woy nda aru izefututaray teekey, nda borowiikey, nda tooru ganakey, nda boro kul kaŋ ga baa taari wala a ga taari ma koy taray.