Yaasawey 12:18 - Songhai de Gao Bible

¹⁸ Šenni kaŋ sii nda addalil harkaw ga boro maray sanda takuba, amma lakkalkoyney šenney ga boro noo baani.

Yaasawey 12:18 ပူးပေါင်းရင်းမြစ်များ

Zaburey 52:2

Dawda ka doonoo woo don waatoo kaŋ Edom boraa Doyeg kaa ka nee Sawul se kaŋ Dawda koy Ahimelek do.

Zaburey 57:4

A ga hallasiyan sanba ya ne ka hun beenaa ra, a ma citi boraa ga kaŋ gʼay gaaray. Kay-kayna A ma silbay sanba ya ne kaŋ ga nga borohennataraa nda nga cimoo cebe!

Zaburey 57:5

Ay hundoo goo ganjihaylawey game, ay goo ma kani adamize ŋaakawyaŋ game. Ngi hiɲey manʼti kala yaaji nda biraw-izeyaŋ, ngi deeney manʼti kala takuba kaana.

Zaburey 59:7

I ga willi kate cijinoo ra ka kaati sanda hanšiyaŋ, i ga koyraa kuubi kʼa bere.

Zaburey 64:3

Ay hallasi boro futu teekey alkuniyaa ra, nda jamaa ra kaŋ ga šerretaray jaŋaa tee!

Yaasawey 12:17

Cimi harkaw ga šerretaray faaba, seedezooru mma darga.

Yaasawey 13:17

Dontokaw futu mma kaŋ bone ra, dontokaw naanayante ga kate baani.

Yaasawey 15:4

Deene henna šenni manʼti kala tuuri kaŋ ga hunayan noo, amma deene dargante ga hundi hasara.

Yaasawey 15:7

Lakkalkoyney miɲey mma bayray fee, amma lakkal jaŋantey biney sii a ra.

Yaasawey 16:24

Šenni kaana ga hima nda yuu, kaani no kormollo se, safari no gaaham se.

Yaasawey 25:18

Boro kaŋ ga taari seedetaray tee nga cinaa ga, boraa manʼti kala gobu boŋ warga, nda takuba, nda yaaji mee cuuta.

Yaasawey 4:22

Zama hunayan no borey se kaŋ duu ey, gaaham baani no ngi hamoo kul se.

Bangandiroo 1:16

Kabe gumaa ra handaray iyye goo, miɲoo ra takuba ga fatta kaŋ mee hinkaa kul ga kan. Ndumoo ga hima nda waati kaŋ waynaa ga dii garaw.

Bangandiroo 22:2

Koyraa farroo gamoo ra, isaa mee hinkaa ga, tuuroo kaŋ ga hunayan noo goo kaŋ ga hegayandi cee woy cindi hinka (12), handu kul a ga hay. Tuuroo fitawey no ma gandawey duubaanandi.