Yaasawey 11:29 - Songhai de Gao Bible

²⁹ Boro kaŋ na bone duma nga hugoo se, nga tuboo ga tee hew, saamaa ga tee lakkalkoynoo baɲɲaa.

Yaasawey 11:29 ပူးပေါင်းရင်းမြစ်များ

Šintinoo 34:30

Yakuba nee Simewoŋ nda Lewi se: «War nʼay tooɲe kʼay tee konnayhaya Kanaŋ borey nda Ferezi borey se kaŋ goo gandaa ra. Ay sii nda boro boobo, i ga marga ka kaa ay ga, i gʼay kar hala ya dere sõy, agay nda ay hugoo.»

Yaasawey 14:19

Boro laaley ga gunguma boro henney se, boro futawey ga batu boro šerrantey hugey miɲey ga.

Yaasawey 15:27

Boro kaŋ ga baa alman futu ga kate nga hugoo ga bone, boro kaŋ ga konna sufuray tuguyan ra ga huna.

Waazukaa 5:16

A ga nga zaarey kul wii kubawey ra, ka torro, nda binehẽenay, nda dukuri marga.

Samiyel 1na 25:17

Ni no ma guna sohõ haya kaŋ nʼga hima kʼa tee, nda manʼti woo, šikka sii ir koyoo nda nga hugoo kul ga bone. Nga woo, boro yaamu no, boro si hin ka šelaŋ a se.»

Samiyel 1na 25:3

Aroo woo maaɲoo ti Nabal, wandoo maaɲoo ti Abigayel. Woy lakkalkoyni no, a ga boori mo, amma kurɲoo binoo si boori, nga teegoyey ga laala. Kaleb alkabiilaa boro no.

Samiyel 1na 25:38

Jirbi woy (10) cine banda ga, Abadantaa na Nabal kar, a buu.