Yaasawey 11:20 - Songhai de Gao Bible

²⁰ Bine šiira, almuhal no Abadantaa se, Abadantaa alhormaa goo boro bande kaŋ ga dira henanyan ra.

Yaasawey 11:20 ပူးပေါင်းရင်းမြစ်များ

Taarikey 1na 29:17

Ay Koyoo, ay ga bay kaŋ ni no ma boro binoo neeši, de mo bine šerrante no ma kan ma ne. Woo maaganda se ay na hayaa woo kul noo ma ne nda ay boŋ nda bine šerrante, agay mo ga ɲaali sohõ kaŋ ay ga dii ni jamaa kaŋ goo ne mo ga ngi kabehayaa noo nda ngi boŋ.

Zaburey 101:4

Bine šiira ga mooru ay ga, ay si ifutu bay.

Zaburey 11:7

Zama Abadantaa ga šerre, a ga baa haya kaŋ teendi nda šerretaray, boro šerrantey no ma dii nga ndumoo.

Zaburey 119:1

Borey duu gomni kaŋ ga dira henanyan ra, wey kaŋ ga dira Abadantaa ašariyaa bande.

Zaburey 140:13

Ay ga bay kaŋ Abadantaa ga ciiti boro se kaŋ ga taabi, a ga farakoyney noo ngi cimoo.

Zaburey 51:6

Ni ga, ni hinne ga, ay na zunubu tee, ay na goyfutu tee ni jine, hayaa kaŋ nʼnʼa har, ni goo nda cimi, ni ciitoo ga henan.

Yaasawey 11:21

Taka kul ra, boro futu si kabandi boro kaŋ mana haya kul tee, boro šerrante hayroo ga hallasi.

Yaasawey 12:22

Mee kaŋ ga taari manʼti kala almuhal Abadantaa se, borey kaŋ ga dira laadirtaray ra ga kan a se.

Yaasawey 13:6

Šerretaray ga boro laadirante dira takaa hawgay, goy futu no ma zunubante derandi.

Yaasawey 14:9

Saama ga wanji ka hasaraa hanse kaŋ nga layboo nʼa tee, boro šerrantey game anniya henna goo.

Yaasawey 15:26

Abadantaa ga konna miile futay, šenni boryo ga henan.

Yaasawey 15:8

Abadantaa ga konna boro futawey sargaroo, boro šerrantey ŋaarayroo ga kan a se.

Yaasawey 16:17

Boro šerrantey fondaa ti ka hibi ifutu ga, boro kaŋ ga lakkal daŋ nga fondaa se ga nga hundoo hawgay.

Yaasawey 21:29

Boro futu ga nga ndumoo daŋ cere ra, boro šerrante ga nga fondaa tabatandi.

Yaasawey 3:32

Zama Abadantaa se almuhal ti goy šiirante teekaw, amma nga sirrey si nondi kala boro šerrante se.

Yaasawey 6:14

ilaala goo binoo ra, waati kul a ga ifutu biiri, a ga yenje tunandi.

Yaasawey 8:13

Ka hunbur Abadantaa manʼti kala ka konna ifutu, boŋ beerandi, nda bolsay, nda fondo futu, nda deenebeeray, wey, ay ga konna ey.

Yaasawey 9:7

Boro kaŋ na ɲooɲokaw hoyray ga kayna, boro kaŋ na boro futu daŋ fondaa ra ga haw.