Yaasawey 11:19 - Songhai de Gao Bible

¹⁹ Šerretaray ga koy hunayan ga, boro kaŋ si fay nda ifutu ga koy buuyan ga.

Yaasawey 11:19 ပူးပေါင်းရင်းမြစ်များ

Kokoyey 2to 1:16

Waatoo kaŋ Ilyasu too, a nee kokoyoo se: «Hayaa ne kaŋ Abadantaa nʼa har, a nee: ‹Nʼna dontokawyaŋ sanba Ekroŋ tooroo Bal-Zebub do ka gunandi. Adiši Koy nka sii Izirayel ra kaŋ do boro ga koy gunandi? Woo maaganda se, nʼsi tun daaroo kaŋ boŋ ni goo, šikka sii nʼga buu.›»

Kokoyey 2to 1:4

Woo maaganda se, wa koy nee kokoyoo se kaŋ hayaa ne kaŋ Abadantaa nʼa har, a nee: ‹Nʼsi tun daaroo kaŋ boŋ ni goo, šikka sii nʼga buu.›» Woo banda ga, Ilyasu koy.

Yaasawey 10:16

Boro šerrante banaa manʼti kala hunayan, boro futu duuraa manʼti kala zunubu.

Yaasawey 11:4

Alman si haya kul hanse futay zaari hane, šerretaray no ma boro hallasi buuyan ra.

Yaasawey 12:28

Hunayan sii kala šerretaray fondaa ra, buuyan sii fondaa din ga.

Yaasawey 19:23

Ka hunbur Abadantaa ga boro noo aloomur, nʼga kani nda kunji bila nda bone ma bisa ni here.

Yaasawey 21:16

Boro kaŋ na fondo hennaa naŋ ga koy kani bukawey jamaa ra.

Yaasawey 21:21

Boro kaŋ ga hanga šerretaray nda borohennataray ga duu hunayan, nda šerretaray, nda beeray.

Yaasawey 8:36

Amma boro kaŋ na zunubu tee ay ga, koyoo na nga hundoo tooɲe, borey kaŋ ga konna agay kul si baa kala buuyan.»

Teegoyey 10:35

Amma ganda kul kaŋ no ra, boraa kaŋ ga hunbur a, a ga goy nda šerretaray, nga no ma kan a se.

Rom borey batagaa 6:23

Zunubu banaa manʼti kala buuyan, amma Irkoy anneemaa nooyanoo kaŋ a gʼa noo yaada manʼti kala hunayan abadantaa kaŋ ga duwandi Almasihu Isa ir Koyoo albarkaa ra.

Alhukumoo 16:20

Ma hanse ka gaabandi šerretaray ga, hala ma duu ka huna, de ma gandaa mayray kaŋ Abadantaa, ni Koyoo gʼa noo ma ne.»

Žak batagaa 1:15

Woo banda ga, nda boonay futaa zandi, a ga zunubu hay, nda zunuboo nin, a ga buuyan hay.

Yehiya bataga 1na 3:10

Hayaa ne kaŋ ga Irkoy izey nda Ibilisi izey fay: boro kul kaŋ si goy nda šerretaray mana hun Irkoy ga, nda boro mo kaŋ si baa nga armaa.

Yehiya bataga 1na 3:7

Ay zankey, boro kul masi war darga. Boro kaŋ ga goy nda šerretaray, boraa ga šerre sanda takaa kaŋ nda Almasihu ga šerre.