Yaasawey 10:4 - Songhai de Gao Bible

⁴ Boro kaŋ kaboo si cahã goy ra ga kate nga boŋ ga talkataray, boro kaŋ kaboo ga cahã goy ra ga duu alman.

Yaasawey 10:4 ပူးပေါင်းရင်းမြစ်များ

Šintinoo 26:32

Zaaroo din da Isiyaka tamey kaa a do kʼa noo dayoo kaŋ i nʼa fanši alhabar. I nee a se: «Ir duu hari.»

Yaasawey 10:5

Boro kaŋ ga nga hegaa marga jiyaw waati, boraa manʼti kala izʼaru lakkalkoyni, boro kaŋ ga jirbi hegaa waati manʼti kala izʼaru kaŋ ga boro haawandi.

Yaasawey 11:24

Boro kaŋ ga borey noo, nga almanoo ga tonton, boro kaŋ ga marga ka hoo ga kate nga boŋ ga talkataray.

Yaasawey 12:24

Borey kaŋ ga gaabandi goy ra ga juwal, borey kaŋ si baa goyyan ga baɲɲataray goy tee.

Yaasawey 12:27

Boro kaŋ ga hoo nda gaaham buunay si duu ham kʼa ton, boro kaŋ ga goy nda gaabandiyan ga duu nafaw kayante.

Yaasawey 13:4

Fuyyante ga haya boobo boonay, amma a si duu ey, borey kaŋ ga gaabandi goy ra ga huna daame ra.

Yaasawey 18:9

Boro kaŋ ga nga kaboo yaynandi nga goyoo ra, nga nda hasarante kul ti affoo.

Yaasawey 19:15

Fuyyantetaray mma boro kaŋandi jirbi koma ra, boro kaŋ si haya kul tee, heray gʼa farandi.

Yaasawey 19:24

Fuyyante ga nga kaboo daŋ taasaa ra, amma a si hin kʼa ka too nga miɲoo do.

Yaasawey 20:13

Masi tee jirbi baakaw nda nʼsi baa ma talka, naŋ ni moɲey ma hay, nʼga kungu ŋaayan ra.

Yaasawey 20:4

Hargu maaganda fuyyante si beeri, hegaa waati, a ga haya wiri, amma a si duu baffoo.

Yaasawey 21:5

Boro kaŋ ga goy nda dabari henna ga koy jine nga goyoo ra, amma boro kaŋ ga cahã ka futu ga koy talkataray here.

Waazukaa 10:18

Nda goykey ga fuyye, hugoo beeneheroo ga kaŋ, boro kaŋ kabey si baa goyyan, hugoo ga fun ka hari loti ganda.

Yehiya 6:27

War masi goy ŋaahayaa kaŋ ga mursu se, amma wa goy ŋaahayaa se kaŋ ga cindi hala hunayan abadantaa ra. Ŋaahayaa, Boro-izʼaroo gʼa noo war se, zama nga no Baabaa Irkoy nʼa tabatandi.»

Korent borey bataga 1na 15:58

Woo se agʼarmey, ay baakey, wa gaabandi, war masi bere-bere, war ma koy jine waati kul ir Koyoo goyoo ra, zama war ga bay kaŋ war goyoo si tee yaada ir Koyoo albarkaa ra.