Yaasawey 1:5 - Songhai de Gao Bible

⁵ Lakkalkoynoo ma haŋajer, a ga tonton nga bayraa ga, boro kaŋ ga faham ga duu hoyray.

Yaasawey 1:5 ပူးပေါင်းရင်းမြစ်များ

Taarikey 2to 25:16

A goo ma šelaŋ a se kaŋ Amasiya nee a se: «Ir ka ni tee kokoyoo hoyraykaa wala? Dangay nda nʼsi baa i ma ni wii!» Annaboo na nga šennoo timmandi ka nee: «Ay ga bay kaŋ Irkoy nka kayandi nga ma ni halaci, zama nʼna woo tee, de mo mana haŋajer ay hoyraa se.»

Ayuba 34:10

Woo se adamize lakkalkoyney, wa haŋajer ya ne! Irkoy nda goy futu ga mooru cere. Hini-kul-koyoo nda šerre jaŋay ga mooru cere.

Ayuba 34:16

Nda ni goo nda lakkal, haŋajer woo se, ma lakkal daŋ ay šenney se!

Ayuba 34:2

«Lakkalkoyney, wa haŋajer ay šenney se! War kaŋ goo nda bayray, wa war haŋawey kayandi hayaa kaŋ ay gʼa har se!

Ayuba 34:34

Adamize lakkalkoyney nda boro fahamantey kaŋ ga haŋajer ya ne ga nee ya ne:

Yaasawey 12:1

Boro kaŋ ga baa hoyrayyan ga baa bayray, boro kaŋ ga konna tejeyan ga saama.

Yaasawey 14:6

Ɲooɲokaw ga ceeci nga ma duu lakkal, amma a si duu a, lakkalkoyni se bayray manʼti kala haya faala.

Yaasawey 18:15

Bine kaŋ ga faham ga duu bayray, lakkalkoyney haŋawey ga bayray ceeci.

Yaasawey 19:25

Ɲooɲokaw kar, lakkal jaŋante ga duu lakkal, lakkalkoyni daŋ fondaa ra, a ga duu bayray.

Yaasawey 21:11

Nda i na ɲooɲokaw zukandi, saamaa ga duu lakkal, nda i na lakkalkoyni cawandi, a ga duu bayray.

Yaasawey 8:33

Wa haŋajer hoyray se, wa duu lakkal, war masʼa yala.

Yaasawey 9:8

Masi ɲooɲokaw daŋ fondaa ra, a ga ni konnay, lakkalkoyni daŋ fondaa ra, nʼga kan a se.

Yaasawey 9:9

Lakkalkoyni noo hoyray, a ga duu lakkal ka tonton, boro šerrante noo bayray, nga bayraa ga tonton.

Waazukaa 9:11

Ay yee ka laasaabu ka dii waynaa cire kaŋ manʼti cahãntey no ma hin gaarandiyan ra, manʼti wongaarey no ma hin wongu ra, manʼti lakkalkoyney no ma duu ŋaayan, manʼti carmantey no ma duu alman, manʼti bayraykoyney no ma duu alhormo, zama gomni wala bone ga kaa boro kul ga nga waatoo ra.

Korent borey bataga 1na 10:15

Ya mma šelaŋ war se sanda boroyaŋ kaŋ goo nda lakkal. War hunday ma hayaa guna kaŋ ay gʼa har.

Alhukumoo 4:6

War mʼi dii, war mʼi ka dira, woo ra dumey kaŋ ga maa hantumey wey kul ga dii kaŋ war goo nda lakkal nda bayray. I ga nee: ‹Gandaa beeroo woo manʼti kala dumi kaŋ goo nda lakkal, a ga faham.›