Waazukaa 9:8 - Songhai de Gao Bible

⁸ Waati kul ma bankaaray hennayaŋ daŋ, jii kaŋ ga ni boŋoo yon masi kuma.

Waazukaa 9:8 ပူးပေါင်းရင်းမြစ်များ

Samiyel 2to 14:2

A daŋ i ma woy lakkalkoyni foo ka hun Tekowa ka kaa nga do, a nee a se: «Ay gʼa wiri ni ga, ni boŋ tee sanda boro kaŋ goo ma buuyan hẽe, beray bankaarayyaŋ daŋ, masi yon, tee sanda woy kaŋ ga buuyan hẽe za gayyan.

Samiyel 2to 19:24

Woo banda ga, kokoyoo nee Šimeyi se: «Abada nʼsi buu.» Kokoyoo nʼa žee a se.

Ester 8:15

Mardoše hun kokoyoo do. Kokoy bankaaray kaŋ teendi nda šukka bula nda leŋ kaaray goo jindoo ra, wura kokoy fuula beeri goo boŋoo ra, burmusu kaŋ teendi nda šukka baana nda iciray henna goo a ga. Sus koyraa kul goo ɲaali beeri ra, i yafarhã.

Zaburey 23:5

Nʼga ŋaayan gorandi ay jine, kʼay torrokey tenje, nʼgʼay boŋoo yon nda jii, kʼay potoo too hala a ma mun.

Matiyu 6:17

Amma ni, waati kaŋ nʼga meehaw, turaari daŋ ni boŋoo ga, ma ni ndumoo ɲumay,

Luka 7:46

Manʼay boŋoo yon nda jii. Amma nga, a nʼay cewey yon nda turaari.

Bangandiroo 16:15

– «Nga ne, ay ga kaa sanda zay. Boraa duu gomni kaŋ ga hanna cijin nda zaari, kaŋ ga nga bankaarawey dii hala nga masi dira nga gaa koonoo, borey masi dii nga haawoo.» –

Bangandiroo 19:14

Wongu-izey kaŋ goo beenaa ra hanga a, i goo bari kaarayyaŋ ga, šukka baana hay šenda kaaray alhakiika goo jindey ra.

Bangandiroo 19:8

A duu fondo ka darbay šukka baana hay šenda nerante alhakiika daŋ, darbay šukka baana hay šendaa manʼti kala Irkoy boro henanantey teegoy šerrantey.»

Bangandiroo 7:9

Woo banda ga, ay dii, nga ne, alžama beeri foo ne kaŋ boro kul si hin kʼa kabu, ganda kul goo a ra, nda alkabiila kul, nda jama dumi kul, nda šenni kul. I ga kay kokoy gorodogoo nda Feeji-izoo jine, darbay beeri kaaray goo jindey ra, teenayɲaa sarbayyaŋ goo kabey ra.

Rutti 3:3

Sohõ ɲumay, ma turaari daŋ, ma ni darbay henney daŋ. Woo banda ga, ma koy farroo kaŋ ra a ga hima ka faara. Nda ni too no din masi naŋ a ma bay wala ni goo no kala waati kaŋ a ŋaa, a haŋ ka ben.