Waazukaa 9:18 - Songhai de Gao Bible

¹⁸ Lakkal baa wongu jinay, zunubante folloku ga haya henna boobo hasara.

Waazukaa 9:18 ပူးပေါင်းရင်းမြစ်များ

Kokoyey 2to 21:2

A na goy futu tee Abadantaa jine, sanda almuhaley kaŋ jamawey kaŋ Abadantaa nʼi gaaray Izirayel borey jine nʼi tee ka bisa.

Ayuba 35:8

Ni borolaalataraa si hin ka haya hasara kala ni cine se, šerretaraa si haya hanse kala adamize se.

Waazukaa 10:1

Hamni bukawyaŋ ga turaari hansekaa jiyoo funbandi kʼa moorandi, lakkal jaŋantetaray kaccu ga tiŋ nda lakkal nda darža, a ga hin kʼi hasara.

Waazukaa 10:10

Nda guuru miɲoo buu, de boro manʼa kaanandi, boraa ga hima ka tonton ka gaabi daŋ ka goy nda a, lakkal nafaa manʼti kala goyey ga boori.

Waazukaa 2:13

Agay, ay dii haya foo: lakkal baa hollay, sanda takaa kaŋ nda gaay baa kubay.

Waazukaa 7:12

Zama takaa kaŋ nda nooru ga boro sutura, takaa din da nda lakkal ga boro sutura, nafaa kaŋ goo lakkal ra manʼti kala a mma borey kaŋ goo nda lakkal noo aloomur.

Waazukaa 7:19

Lakkal ga lakkalkoyni noo gaabi ka bisa boŋkoyni woy (10) kaŋ goo koyra ra.

Waazukaa 9:16

Agay, ay nee: «Lakkal baa gaabi, amma borey mma talka lakkaloo kaynandi, i si haŋajer nga šenney se.»

Timote bataga 2to 3:8

Takaa din da kaŋ nda Žanes nda Žanbres kay ka Musa kakaw, takaa din da nda borey wey mo ga kay ka cimoo kakaw. Boroyaŋ no kaŋ lakkaley futu, ngi naanaa si kay.

Žozuwe 22:20

Manʼti Akaŋ, Zera izʼaroo nka laadir jaŋay tee haya harramantaa here? Dukuroo kaŋ Izirayel jamaa kul boŋ. Manʼti nga hinne no ka halaci nga layboo se.›»

Žozuwe 7:1

Izirayel borey na laadir jaŋay tee hayey kaŋ ga hima ka halaci ka derandi sõy here. Akaŋ baabaa ti Karmi, Karmi baabaa ti Zabdi, Zabdi baabaa ti Zera kaŋ mana hun kala Žuda alkabiilaa ra zaa hayey ra kaŋ ga hima ka halaci ka dere sõy, Abadantaa futu Izirayel borey ga.

Žozuwe 7:5

Ayi arey na boro waranza cindi iddu (36) kar i ra. I nʼi gaaray za koyraa miɲoo ga hala Šebarim kʼi kar ka koy zunbudogoo ra. Jamaa biney hasara, gaahamey kul buu i ga.

Samiyel 1na 14:30

Nda a gar jamaa nka ŋaa ganiimaa ra kaŋ i duu a ngi iberey ga, i nka si Filisti borey kar ka bisa woo wala?»