Waazukaa 9:15 - Songhai de Gao Bible

¹⁵ Aru talka foo kaŋ goo nda lakkal goo koyraa din ra, a na koyraa kaa kabe nda nga lakkaloo. Amma boro kul manʼa bay talkaa woo se.

Waazukaa 9:15 ပူးပေါင်းရင်းမြစ်များ

Šintinoo 40:23

Haŋhaya hansekey jineboraa mana yee ka hongu Isufi, a dirɲa a.

Samiyel 2to 20:22

Woyoo koy šelaŋ jamaa kul se nda lakkal. I na Bikiri izʼaroo Šeba boŋoo dunbu ka boŋoo warra Žowab se. Woo ga, Žowab na hilli hẽenandi, i na koyraa taŋ, i say ka mooru koyraa, affoo kul koy nga do. Woo banda ga, Žowab willi Žerizalem kokoyoo do.

Yaasawey 21:22

Lakkalkoyni ga huru wongaarey koyraa ra, a ga hayaa kaŋandi kaŋ ga i ga naata.

Waazukaa 2:16

Lakkalkoyni nda lakkal jaŋante kul cindi lakkaley ra hala abada, zaarey waatey kaŋ ga kaa ra borey ga dirɲa ihinkaa kul. Lakkalkoyni ga buu sanda lakkal jaŋante.

Waazukaa 4:13

Zanka kaŋ ga talka, amma a goo nda lakkal baa kokoy aru žeena lakkal jaŋante kaŋ si maa hoyray koyne.

Waazukaa 7:19

Lakkal ga lakkalkoyni noo gaabi ka bisa boŋkoyni woy (10) kaŋ goo koyra ra.

Waazukaa 8:10

Ay dii boro futuyaŋ kaŋ fijandi, boroyaŋ no kaŋ cindi i ga koy i ga kaa nongu henanantaa ra. Koyraa ra, borey dirɲa takaa kaŋ i cindi kʼa tee. Woo mo sii nda addalil.