Waazukaa 9:11 - Songhai de Gao Bible

¹¹ Ay yee ka laasaabu ka dii waynaa cire kaŋ manʼti cahãntey no ma hin gaarandiyan ra, manʼti wongaarey no ma hin wongu ra, manʼti lakkalkoyney no ma duu ŋaayan, manʼti carmantey no ma duu alman, manʼti bayraykoyney no ma duu alhormo, zama gomni wala bone ga kaa boro kul ga nga waatoo ra.

Waazukaa 9:11 ပူးပေါင်းရင်းမြစ်များ

Samiyel 2to 17:14

Absalom nda Izirayel borey kul nee: «Arki boraa Hušay hoyraa baa Ahitofel wanoo.» Abadantaa hunday no ma kayandi ka Ahitofel hoyray boryaa hasara, hala Abadantaa ma bone zumandi Absalom ga.

Samiyel 2to 17:23

Kaŋ Ahitofel dii kaŋ nga hoyraa mana teendi, a na nga farkaa soolu ka koy nga hugoo do nga koyraa ra. A na nga šenni kokorantey har nga hugoo borey se, a na nga boŋ deeji ka buu. Takaa woo nda a buu, i nʼa sutura nga baabaa saaraa ra.

Taarikey 2to 20:15

Yahaziyel nee: «Žuda borey kul, nda Žerizalem borey, nda ni, kokoyoo Žozafat, war ma haŋajer. Hayaa ne kaŋ Abadantaa nʼa har, Abadantaa nee: ‹War masi hunbur, war masi jijiri alžamaa beeroo woo jine, zama manʼti war wongoo no, Abadantaa wongoo no.

Ayuba 34:29

Nda Irkoy na alaafiya noo, may no ma Irkoy zukandi woo se? Nda a na nga ndumoo tugu, may ma hin ka dii a? Gandawey wala adamizey,

Zaburey 76:5

Irkoy, darža nda beeray goo ni ga ka bisa tondi hondu kaŋ ra adabbawey goo kaŋ i gʼi hoo.

Yaasawey 1:5

Lakkalkoynoo ma haŋajer, a ga tonton nga bayraa ga, boro kaŋ ga faham ga duu hoyray.

Waazukaa 2:12

Woo banda ga, ay bere lakkal, nda saamataray, nda hollokomtaray here kʼi laasaabu. Macin no boro kaŋ huru kokoyoo dogoo ra gʼa tee kaŋ mana bay ka tee?

Waazukaa 3:14

Ay yadda kaŋ haya kul kaŋ Irkoy nʼa tee ga cindi abada. Boro si haya tonton a ga, boro si haya kaa a ra. Irkoy nka woo tee hala borey ma hunbur nga.

Waazukaa 3:17

Ay nee ay boŋ se: «Irkoy ga boro šerrante nda ifutu ciiti, zama a na haya foo kul kayandi kʼa tee nga waatoo ra, teegoy foo kul nda nga ciitoo.»

Waazukaa 4:1

Ay yee ka laasaabu ka dii tooɲerey kul kaŋ ga tee waynaa cire. Borey kaŋ biney ga hẽe mundawey ga doo, bineyaynandikaw sii no i se. Gaabi sii kala ngi tooɲekey se, bineyaynandikaw sii i se.

Waazukaa 4:4

Ay dii mo kaŋ boro ga nga boŋ farandi ka goy, ka goy ka boori, ka gar nga cinaa ga a ga canse. Woo mo sii nda addalil sanda hew gaarandiyan.

Waazukaa 7:13

Irkoy teegoyoo guna: may ma hin ka haya šerrandi kaŋ Irkoy nʼa golbi.

Waazukaa 9:2

Haya kul ga tee boro kul ga, koddoroo kaŋ ga duu boro šerrantaa, nga no ma duu boro futaa, nda boro hennaa, nda boro henanantaa, nda boraa kaŋ si henan, nda boraa kaŋ ga sargari kaa, nda woo kaŋ si sargari kaa, ihennaa nda zunubantaa, boraa kaŋ ga žee, nda woo kaŋ ga hunbur žeeyan.

Waazukaa 9:3

Woo ti haya futu, hayey kul ra kaŋ ga tee waynaa cire: koddor follokaa bara borey kul se, koyne mo adamizey biney ga too ifutu, hollay goo biney ra ngi hunaroo ra, woo banda ga, i ga koy bukawey do.

Efez borey batagaa 1:11

Almasihu albarkaa ra ir duu ir bagaa tuboo, ir kaŋ a bay kʼir kayandi ka sawa nda Irkoy dunbandiroo. Nga da no ma haya kul tee ka sawa nda woo kaŋ a nʼa kayandi nga ibaayoo ra,

Alhukumoo 8:17

Nda ni nee ni boŋ se: ‹Ay gaaboo nda agay boŋ albarkaa kʼay noo almanoo woo›,

Alhukumoo 8:18

ma hongu Abadantaa, ni Koyoo, zama nga no ma ni noo gaabi ma hin ka duu almanoo woo kul, ka nga amaanaa tabatandi kaŋ a nʼa žee ni baabey se, sanda takaa kaŋ nda a goo mʼa tee hõ.

Samiyel 1na 17:50

Takaa woo nda fizza nda tondi-ize foo Dawda hin Filisti boraa. A nʼa wii bila nda takuba ma bara a kone.

Samiyel 1na 6:9

Woo ra war ga kaa ka dii, nda a žigi ka koy nda nga hirroo fondaa, Bet-Šemeš koyraa here, Abadantaa no ka kate ir ga bone beeroo woo. Nda manʼti woo, ir ga bay kaŋ manʼti nga kaboo kʼir kar, haya no kaŋ nka tun de ka tee ir ga.»