Waazukaa 9:10 - Songhai de Gao Bible

¹⁰ Haya kul kaŋ ni kaboo ga hin kʼa tee, a tee, zama alaahara kaŋ ra nʼga koy, teegoy sii no, laasaabu sii no, bayray sii no, lakkal sii no.

Waazukaa 9:10 ပူးပေါင်းရင်းမြစ်များ

Šintinoo 37:35

Nga izʼarey nda ize woyey kul tun ka koy ka binoo yaynandi, amma a wanji ka dangay. A nee: «Hẽenoo ra ay ga koy agʼizʼaroo gar alaahara.» A cindi a ga hẽe.

Taarikey 1na 22:19

Sohõ, wa gaabandi ka Abadantaa ceeci nda war biney kul nda war hundey kul. Wa tun ka Abadantaa, war Koyoo nongu henanantaa cin hala war ma duu ka Abadantaa amaanaa sundukoo nda Irkoy nongu henanantaa jinawey daŋ hugoo ra kaŋ ga kaa ka cinandi Abadantaa maaɲoo ga.»

Taarikey 1na 28:20

Dawda yee ka nee koyne nga izoo Sulaymaana se: «Ma albarka daŋ ni boŋ ra, ma bine tee ka goy. Masi hunbur, ni binoo masi dunbu, zama Irkoy Abadantaa kaŋ ti ay Koyoo goo ni bande, a si ni fur, a si ni yala, hala Abadantaa hugoo goyoo kul ma tee ka ben.

Nehemi 2:12

Woo banda ga, ay tun cijinoo ra, agay nda aruyaŋ bila nda ay ma haya kul har borey se hayaa ra kaŋ ay Koyoo nʼa daŋ ay binoo ra yʼa tee Žerizalem se. Adabba tana sii ay bande nda manʼti woo kaŋ ga ay ga kaaru.

Nehemi 4:2

I kul marga ka hawandifutay ka koy Žerizalem tangam ka hasaraw tee a se.

Nehemi 4:6

Alyahuudey kaŋ ga goro ir iberey jere kaa ka alhabar daŋ ir ra cee woy (10). I nee ir se: «Nongu kul kaŋ here nda war bere, i ga kaŋ ir ga.»

Ayuba 10:21

hala ay ga koy nongoo kaŋ ra ay si yee koyne ka willi kate, kubay biboo nda buuyan biyoo gandaa ra,

Ayuba 10:22

kubay komaa gandaa ra, buuyan biyoo kaŋ ra fondo sii, kaŋ ra gaayoo ga hima nda kubaa.»

Ayuba 21:13

Ngi hunaroo ga ben gomni ra, dogoo din da i ga zunbu alaahara.

Zaburey 6:5

Abadantaa, bere ay here kʼay feeri, ay hallasi ni borohennataraa maaganda se.

Yaasawey 3:28

Masi nee ni cinaa se: «Koy ka kaa, suba ay gʼa noo ma ne», ka gar hayaa goo ma ne.

Waazukaa 11:3

Nda duulawey ga too met nda ncirɲi, i gʼa doori laboo ga, nda tuuri kaŋ gurma here wala hawsa here, nongoo kaŋ ra tuuroo kaŋ, nga ra a ga cindi.

Waazukaa 11:6

Ni dumiyoo say za subbaahi, masi naŋ ni kaboo ma hunanzam aluulaa ra, zama nʼsi bay wala subbaahi wala aluula no ma boori, wala ihinkaa kul no ma boori.

Kabuyaney 13:30

Kaleb na jamaa kaŋ mana yadda Musa se miɲey daabu, a nee: «Ir ma žigi ka koy gandaa dii, šikka sii ir ga hin ey.»

Matiyu 20:7

I nee a se: ‹Haya kaŋ se boro kul manʼir zaa goy.› A nee i se: ‹War mo ma koy agʼalaneb faaroo ra.›

Matiyu 6:33

Haya jinaa kaŋ war ga hima kʼa ceeci manʼti kala [Irkoy] Laamaa nda nga šerretaraa, de hayey wey mo kul ga tontonandi war se.

Yehiya 4:34

Isa nee i se: «Ay ŋaahayaa manʼti kala ya boraa kaŋ nʼay sanba ibaayoo tee, ka nga goyoo benandi.

Yehiya 5:4

Zama ir Koyoo almalayka foo no ma zunbu bangoo ra, waati ka kaa waati ka haroo guzuguzu, de boro jinaa kaŋ ga doo haroo ra guzuguzuyanoo banda ga, ga duu baani, a ma tee wirci dumi kul kaŋ goo a ga.]

Yehiya 9:4

Ir, a tilasu ir ma boraa kaŋ nʼay sanba teegoyey goy kullihinne zaaroo no. Cijinoo ga kaa kaŋ ra boro kul si hin ka goy.

Rom borey batagaa 12:11

Wa gaabandi war masi tee fuyyanteyaŋ. Wa war lakkaley kul daŋ ir Koyoo se. Wa goy a se.

Korent borey bataga 1na 15:10

Amma Irkoy anneemaa ra, ay tee woo kaŋ ay ti a. Nga anneemaa ay here mana tee yaada. Ay hanse ka taabi ka bisa i kul, amma manʼti agay no, Irkoy anneemaa no kaŋ goo ay bande.

Korent borey bataga 1na 16:10

Nda Timote kaa, war masi naŋ a ma hunbur haya kul war game, zama ir Koyoo goyoo ra a goo sanda agay.

Korent borey bataga 1na 9:24

War nka si bay kaŋ borey kaŋ ga zuru ganganoo ra, i kul no ma zuru, amma boro folloku no ma duu konkošaa gomnoo? Wa zuru taka kaŋ ra war ma duu a.

Korent borey bataga 1na 9:26

Woo se agay, ay ga zuru nda takaa woo, manʼti ya nka si guwoo bay. Ay ga kara nda takaa woo, amma manʼti hewoo no ay gʼa dunbu.

Efez borey batagaa 5:16

kaŋ ga goy nda waatoo kaŋ war duu a, zama zaarey wey ga laala.

Kolos borey batagaa 3:23

Haya kul kaŋ war gʼa tee, wʼa tee nda war binoo kul sanda haya kaŋ ir Koyoo se war gʼa tee, manʼti adamize se,

Samiyel 1na 10:7

Waati kaŋ tammaasawey wey bangay ni ga, hayaa tee kaŋ huru ni boŋoo ra, zama Abadantaa goo ni bande.