Waazukaa 9:1 - Songhai de Gao Bible

¹ Ay na hayey wey kul dii ay binoo ra. Hayaa kaŋ ay nʼa laasaabu ti, šerrantey, nda lakkalkoyney, nda ngi teegoyey sii kala Irkoy kaboo ra. Baji nda konnaray, adamize sʼi bay, i kul goo a jine.

Waazukaa 9:1 ပူးပေါင်းရင်းမြစ်များ

Ayuba 12:10

Adamizey kul hunaroo sii kala kaboo ra, nga no ma gaaham kul noo hundi.

Ayuba 27:12

Nga ne, war hunday kul dii ey henna, macin se war ga war boŋ derandi šenni yaadayaŋ ra?

Ayuba 5:8

Nda a gar agay ti ni, ay ga Irkoy ceeci, Irkoy ga ay gʼay misoo hẽe.

Zaburey 10:14

Ni hunday dii binemarayyanoo nda šiitaroo, nʼga guna ka huga nda takaa, ni ga talkaa ga talfi, ni no ma alyatimoo faaba.

Zaburey 119:109

Waati kul ay hunaroo goo farrati ra, amma ay si dirɲa ni ašariyaa.

Zaburey 31:5

Mʼay kaa kumsaa ra kaŋ i nʼa hirri ya ne, zama ni ti nongoo kaŋ ra ay ga tugu.

Zaburey 73:3

Zama ay canse hundi beerey ga, waati kaŋ ay dii boro laaley arzakaa.

Yaasawey 16:3

Ni teegoyey talfi Abadantaa ga, nga ra ni goyey ga boori.

Waazukaa 1:17

Ay kayandi hala ya lakkal bay, hala ya saamataray nda hollokomtaray bay, ay dii kaŋ nga mo manʼti kala sanda hew gaarandiyan.

Waazukaa 10:14

Hollokom šenney ga boobo. Adamize si bay haya kaŋ ga kaa ka tee, may no ma haya bay kaŋ ga tee nga dumaa ga?

Waazukaa 7:15

Ay dii woo kul ay zaari yaadawey ra. Šerrante goo no kaŋ nga nda nga šerretaraa kul, a ga buu, nda boro futu kaŋ nga nda nga futuroo kul, a ga duu aloomur kuku.

Waazukaa 7:25

Ay yee kʼay boŋ gaabi ka bay, ka dii, ka lakkal nda haya kaŋ ga boori ceeci, ka bay kaŋ borofututaray ti saamataray, saamataray manʼti kala hollay.

Waazukaa 8:14

Haya yaada foo ne kaŋ ga tee laboo ga, boro šerranteyaŋ goo no kaŋ ngi kokoroo ga hima nda boro futawey goyoo, boro futuyaŋ goo no kaŋ ngi kokoroo ga hima nda boro šerrantey goyoo. Ay nee kaŋ woo mo sii nda addalil.

Waazukaa 8:16

Waatoo kaŋ ay kayandi ka lakkal bay nda ka dii hayaa kaŋ ga tee laboo ga, zama adamize moɲey si dii jirbi cijin nda zaari,

Waazukaa 8:7

Adamize si haya bay kaŋ ga kaa kʼa tee, may no ma hin ka takaa har a se kaŋ nda a ga tee?

Waazukaa 9:6

Ngi bajoo, nda ngi konnaroo, nda ngi canseyanoo dere ka ben, i sii nda baa koyne hala abada hayey ra kaŋ ga tee waynaa cire.

Alhukumoo 33:3

Abadantaa ga baa jamawey, nga boro henanantey kul goo ni kaboo ra. I kay ni cewey cire, i ga ni šenney taa.

Timote bataga 2to 1:12

Woo sabbu se hayey wey zaraboo ga duu agay, amma ay si haw, zama ay ga boraa bay kaŋ ay naanay a. Ay ga naanay ka bay kaŋ a goo nda hini ka gaabu hayaa kaŋ a na talfi ay ga hala zaari koraa din hane.

Piyer bataga 1na 1:5

War kaŋ naanaa albarkaa ra, Irkoy hinoo ga war lakkal hallasiyan se kaŋ soolu ka bangandi waati kokorantaa ga.

Samiyel 1na 2:9

A ga nga laadirantey dira takawey hawgay. Amma boro laaley ga derandi kubaa ra, zama boro si zaame nda gaabi.