Waazukaa 8:7 - Songhai de Gao Bible

⁷ Adamize si haya bay kaŋ ga kaa kʼa tee, may no ma hin ka takaa har a se kaŋ nda a ga tee?

Waazukaa 8:7 ပူးပေါင်းရင်းမြစ်များ

Ester 5:12

A nee i se: «A mana ben, agay hinne nda kokoyoo no kokoy woyoo nʼir cee hoyandoo ra. Suba mo, agay nda kokoyoo no a nʼir cee nga do.

Yaasawey 24:22

zama ne nda kayna almasiiba ga kaŋ i boŋ, may no ma zukandoo bay kaŋ Abadantaa nda kokoyoo gʼa zumandi i ga?

Yaasawey 27:1

Masi fooma nda suba, zama nʼsi bay haya kaŋ zaari foo gʼa hay.

Yaasawey 29:1

Boro kaŋ ga nga hiɲoo šendandi ka wanji ka maa hoyray, a ga jirsi ka say, safari sii a ra.

Waazukaa 10:14

Hollokom šenney ga boobo. Adamize si bay haya kaŋ ga kaa ka tee, may no ma haya bay kaŋ ga tee nga dumaa ga?

Waazukaa 3:22

Adiši ay dii kaŋ haya kul mana baa adamize se kala a ma ɲaali nda nga teegoyey, zama woo ti nga bagaa. May no mʼa willi katandi hala ma dii hayey kaŋ tee dumaa ga?

Waazukaa 6:12

May no ma bay haya kaŋ ga boori boro se nga hunaroo ra, nga aloomur kukoo kaŋ sii nda addalil kaŋ a gʼa tee sanda bii kaŋ ga bisa? May no ma hayaa har adamize se kaŋ ga tee waynaa cire nga banda ga?

Waazukaa 7:14

Gomni zaari hane, ma binekaanay, bone zaari hane, ma haya foo bay kaŋ ti: ihinkaa kul Irkoy kʼi tee, hala adamize masi haya kul bay kaŋ ga kaa ka tee nga ga.

Waazukaa 9:1

Ay na hayey wey kul dii ay binoo ra. Hayaa kaŋ ay nʼa laasaabu ti, šerrantey, nda lakkalkoyney, nda ngi teegoyey sii kala Irkoy kaboo ra. Baji nda konnaray, adamize sʼi bay, i kul goo a jine.

Waazukaa 9:12

De mo adamize si nga waatoo bay, sanda hamiisawey kaŋ diyandi sankay ra ngi bonaa se, wala cirawey kaŋ ga kaŋ kumsay ra, sanda ngi, adamizey ga jirsi ka kaŋ bone ra.

Matiyu 24:44

Woo se war mo ma soolu, zama waatoo kaŋ war sʼa hongu ra Boro-izʼaroo ga kaa.»

Matiyu 24:50

tamoo woo koyoo ga kaa zaari kaŋ a sʼa hongu ra nda waati kaŋ a sʼa bay ra.