Waazukaa 7:2 - Songhai de Gao Bible

² Boro ma koy beray hugu ra baa ma koy hugu kaŋ ra ŋaayan hoyandi goo, zama woo din ti adamize kul kokoroo, baahunante ga hima ka miile a ga.

Waazukaa 7:2 ပူးပေါင်းရင်းမြစ်များ

Zaburey 90:12

Ir cawandi ir mʼir aloomuroo zaarey kabu hala ir biney ma dira nda lakkal.

Waazukaa 2:14

Lakkalkoyni goo nda moo ka dii, amma boro lakkal jaŋante mma dira kubay ra. Amma ay na haya foo laasaabu kaŋ ti koddor follokaa bara ihinkaa kul se.

Waazukaa 2:16

Lakkalkoyni nda lakkal jaŋante kul cindi lakkaley ra hala abada, zaarey waatey kaŋ ga kaa ra borey ga dirɲa ihinkaa kul. Lakkalkoyni ga buu sanda lakkal jaŋante.

Waazukaa 3:19

Zama adamizey koddoroo nda adabbawey koddoroo kul ti affoo, adamize ga buu, adabba ga buu, hundi follokaa bara i ra, adamize ma bisa adabba sii nda nafaw: woo kul sii nda addalil.

Waazukaa 3:20

I kul si koy kala nongu follokaa ra, i kul si hun kala laboo ra, i kul si yee kala laboo ra.

Waazukaa 6:6

Ba nda a huna cee hinka jiiri zenber foo (1.000) bila nda a ma dii gomni, haya kul si koy nongu follokaa ra wala?

Waazukaa 9:2

Haya kul ga tee boro kul ga, koddoroo kaŋ ga duu boro šerrantaa, nga no ma duu boro futaa, nda boro hennaa, nda boro henanantaa, nda boraa kaŋ si henan, nda boraa kaŋ ga sargari kaa, nda woo kaŋ si sargari kaa, ihennaa nda zunubantaa, boraa kaŋ ga žee, nda woo kaŋ ga hunbur žeeyan.

Waazukaa 9:3

Woo ti haya futu, hayey kul ra kaŋ ga tee waynaa cire: koddor follokaa bara borey kul se, koyne mo adamizey biney ga too ifutu, hollay goo biney ra ngi hunaroo ra, woo banda ga, i ga koy bukawey do.

Waazukaa 9:5

Borey kaŋ ga huna ga bay kaŋ ngi ga kaa ka buu, amma bukawey si haya kul bay, ngi, banaw sii i se koyne, zama i dirɲa ey.

Kabuyaney 23:10

May no ma hin ka Yakuba kaŋ ga hima nda labutaasi kabu, ka ba Izirayel zamna taacaa affoo hinnaa har? Yala ya buu nda takaa kaŋ nda boro šerrantey ga buu, yala ay kokoroo ma hima nda ngi wanoo.»

Matiyu 5:4

Borey duu gomni kaŋ ga hẽe, zama ngi, i ga kaa ka duu bineyaynay.

Alhukumoo 32:29

Nda a gar i mma bara nda lakkal i ga faham woo se, i ga ngi kokoroo guna.

Alhukumoo 32:46

a nee i se: «Wa miile šenney kul ga kaŋ ay nʼi har war se hõ ka war izey yaamar i ma gaabandi ka ašariyaa šenney wey kul ka dira.

Filipi borey batagaa 3:19

Ngi kokoroo ti dereroo. Ngi gundey ti ngi koyoo. Hayaa kaŋ gʼi haawandi nda i ga bolsay. I si hongu kala aduɲɲa hayey hinne.

Eberewey batagaa 9:27

A dunbandi kaŋ adamize kul si buu kala cee folloku jina ciitoo ma kaa.