Waazukaa 7:14 - Songhai de Gao Bible

¹⁴ Gomni zaari hane, ma binekaanay, bone zaari hane, ma haya foo bay kaŋ ti: ihinkaa kul Irkoy kʼi tee, hala adamize masi haya kul bay kaŋ ga kaa ka tee nga ga.

Waazukaa 7:14 ပူးပေါင်းရင်းမြစ်များ

Kokoyey 1na 8:47

i diyandi ka koy nda ey gandaa kaŋ no ra, nda no din ra i na lakkal barmay, nda i tuubi ka ni suurandi borey kaŋ nʼi daŋ tamtaray gandaa ra, ka nee: ‹Ir na zunubu tee, ir na laybu tee, ir na goy futu tee›,

Ayuba 2:10

Amma Ayuba nee: «Nʼga šelaŋ sanda boro saama! Ir ga duu gomni Irkoy do, nga no ir si duu a do ifutu?» Woo kul ra, zunubu mana hun Ayuba deenoo ga.

Zaburey 119:71

Zaraboo boori ya ne hala ya ni hantumey caw.

Zaburey 40:3

A nʼay žigandi ka hun halaciyan guusoo ra, ka hun bolongoo batakaraa ra, a nʼay cewey fur tondoo boŋ, a nʼay cee diraa noo gaabi.

Waazukaa 10:14

Hollokom šenney ga boobo. Adamize si bay haya kaŋ ga kaa ka tee, may no ma haya bay kaŋ ga tee nga dumaa ga?

Waazukaa 11:9

Aru soogaa, daame ni soogataraa ra, ni binoo ma ni daŋ gomni ra ni zankataraa zaarey ra, hanga ni bine-ibaayoo nda woo kaŋ ga kan ni moɲey se, amma ma bay kaŋ Irkoy ga ni ciiti hayey wey kul se.

Waazukaa 12:13

Ir ma haŋajer šennoo woo kul benantaa se kaŋ ti: «Ma hunbur Irkoy, ma nga yaamarey dii.» Woo ti haya kaŋ adamize kul ga hima kʼa tee.

Waazukaa 12:8

Yaada nda yaada, waazukaa nee kaŋ haya kul sii nda addalil.

Waazukaa 3:22

Adiši ay dii kaŋ haya kul mana baa adamize se kala a ma ɲaali nda nga teegoyey, zama woo ti nga bagaa. May no mʼa willi katandi hala ma dii hayey kaŋ tee dumaa ga?

Waazukaa 3:4

hẽeniyan waati goo no, haaruyan waati goo no, binehẽeni waati goo no, ganyan waati goo no,

Waazukaa 5:17

Hayaa kaŋ ay dii a kaŋ ga boori, a ga hennay adamize se manʼti kala a ma ŋaa, a ma haŋ ka dii gomni nga taabiyanoo kul ra kaŋ a gʼa tee waynaa cire, aloomuroo ra kaŋ Irkoy nʼa noo a se, zama woo ti nga bagaa.

Waazukaa 8:7

Adamize si haya bay kaŋ ga kaa kʼa tee, may no ma hin ka takaa har a se kaŋ nda a ga tee?

Waazukaa 9:7

Koy, ni ŋaahayaa ŋaa nda ɲaali, ni alaneb hari mooraa haŋ nda binekaanay, zama Irkoy yadda ni teegoyey ga ka ben.

Matiyu 9:13

Wa šennoo koroo hongu kaŋ ga nee: ‹Hinnari no ma kan ya ne, manʼti sargariyaŋ.› Zama ya na kaa ka boro šerrantey cee, zunubantey no ay gʼi cee.»

Teegoyey 14:22

ka taalibey biney daŋ, kʼi hoyray i ma gaabandi naanaa ga, ka bayrandi i se ka nee: «Kala zarabi boobo ma duu ir hala ir ga huru Irkoy Laamaa ra.»

Alhukumoo 26:11

Woo banda ga, ma ɲaali haya henney kul maaganda kaŋ Abadantaa, ni Koyoo nʼi noo ni nda ni hugoo se, ni, nda Lewi boraa, nda yawoo bande kaŋ goo ni do.»

Alhukumoo 28:47

Zama mana Abadantaa, ni Koyoo gana nda ɲaali nda binekaanay waatoo kaŋ a na ni feeri haya kul here,

Alhukumoo 8:3

A na ni yeeti ganda, a na ni herayandi, a na ni huna nda ŋaahayaa kaŋ se i ga nee man kaŋ manʼa bay, ni baabey manʼa bay, hala nga ma ni bayrandi kaŋ manʼti ŋaayan hinne nda adamize ga huna, amma adamize si huna nda kala haya kul kaŋ hun Abadantaa miɲoo ra.

Alhukumoo 8:5

Adiši ma bay kaŋ Abadantaa, ni Koyoo ga ni aladabu sanda takaa kaŋ nda aru ga nga izoo aladabu.

Žak batagaa 5:13

Boro goo war ra kaŋ ga zarabi wala? A ma Irkoy ŋaaray. War boro kaŋ ga ɲaali, a ma don ka Irkoy saabu.